Wa kaha mag-overacting ang mga ginikanan sa bata nga gi tape-an ang baba?

Angay gyung taktakon sa serbisyo ang nurse sa Cebu Puericulture Center and Maternity House kun tinuod man nga ang iyang pagplaster sa baba sa bata aron dili na mohilak ug motak-om  na lang.

Daghang balaud nga nag-proteher sa katungod sa kabataan nga maoy gamitong basehanan sa pagtaral sa nurse.

Apan in fairness, nahibaw-an sa inahan nga ang gipatapot nga surgical tape sa baba sa bata maoy gasuporta sa tsupon (pacifier) aron dili matagak ug  aron kalingawan sa bata.

Wa kaha mag-overacting ang inahan, bisag gipasabot na siya nga ang tuyo sa pag-tape aron dili mahug ang tsupon ug mohilom iyang anak?

Sa edad sa bata nga lima pa ka adlaw gikan sa paghimugso, angay na bang hatagan og tsupon/pacifier?

Kinahanglan gyud kining imbestigahon sa taga Department of Health ug ubang mga ahensiya sa gobyerno aron maklaro gyud kining tanan.

* * *
Usa ka opisyal sa “King Cup” sardines nga si Anthony Laude nga maoy naka-supply sa Kapitolyo og P5 million nga mga sardinas alang sa mga biktma sa bagyong Yolanda ug maoy gi-negotiate ni former officer-in-charge Evelyn  Senajon sa Provincial Social Welfare and Development Office, nanawag kanako ug mi-text agig paghatag og reaction sa akong  column nga na-publikar niadtong Lunes.

Ako siyang gi-awhag nga motubag on-the-air sa akong radio program. Sa initial niyang pagtin-aw sa kontrobersiya, iyang gipasabot nga wa gyuy trampas ang ilang transaksyon ni Senajon.

Matud pa ni Laude nga sila rang taga “King Cup” ang adunay supply sa sardinas niadtong higayona ug mao nga sila ray gipa-deliver.

Dugang sa iyang esplikasyon mao nga matud pa bisan pa og tag P14 ang ilang  presyo matag lata kaniadto, mapugos  gyud og palit ang taga-Kapitolyo ngan nga way laing maka-supply.
Gawas sa iyang pagtawag kanako niadtong Lunes sa hapon, iya pa gyud kong gi-teksan Martes sa sayong kadlawn, at 1:13 a.m., May 13, 2014.

Iyang text  nagkanayon  nga: “ Bos gud eve, katu ni sa kingcup sardines. Sorry to disturb. Dili lang ko magpa on air bos kai wala ta ma anad ana hehe anyway, internal  issue raman gud  tu ang sa ilaha sa  pswdo kami  isip supplier raman mi sa ila mga requirements. Anyway, just to  answer the  question sa column nimo bos kai mao wala  sila  kuha sa tosen/senorita atu  na time bisan  barato  ang recorded price sa ilaha  system kai paghitabo sa unfortunate event na Yolanda wala sila stock si  tosen  sa cebu and it will  take 2 weeks for the  boat to arrive  from  zamboanga if magpadala  sila. It just so happen na kita sa  Kingcup naa tay salin sa bohol earthquake para baligya sa relief mao naka supply dayun ta the next day after the  typhoon happened and the capitol under ms. Evelyn requested para sa mga victims. Our offer price is 13.50 and ms. Evelyn nego for 13/pc which I agreed para makatabang nalang puds sa mga  victims. A single cent walay official naka receive bos loyd in fact  kami sa  kingcup ang na shorthanded kai giminusan mi ug 5% sa vat ug 2% withholding tax nga  wala sa agreement namo ni ms. Evelyn pero wala nalang ko ming reklamo. Salamat bos I hope this can clarify the issue. More power and god bles.”

Alang lagi nako, kinahanglang imbestigahon kini sa mga independent body sama sa Commission on Audit ug Ombudsman aron  maklaro  kining tanan.

Kining mga paghatag og katin-awan ni Laude mahug kini nga  self-serving statements sa pagkakaron.

* * *
Imposible gyud kaayo nga  maka-ako og putol sa  linya sa  koryente ang taga-Visayan Electric Co. (Veco) diha sa Bureau of Fire Protection (BFP) nga anaa  karon nag-okupar ang mga pasyente sa Cebu City Medical Center (CCMC).

Dunay social responsibility ang taga-Veco ngadto sa mga  pasyente.

Di man sab ko motuo nga dili sila bayran sa taga-BFP ug Cebu City  Government.

Gani, mitanyag na ang taga-BFP nga mo-share sila og P600 mil  kapin kon 1/3  sa  total amount nga  P1.8.

Gamay ra kaayo ning kantidad kay sa mga kinabuhi nga nagsalig sa serbisyo sa  gobyerno.