Nyor Gamay (NG): Unsa man ning “bromance”, Nyor?
Nyor Daku (ND): Kombinasyon na sa “brother” ug “romance”, maong “bromance”.
NG: Incest?
ND: Ay lang sad i-literal kaayo, Nyor. Ang brother mahimo mang brotherhood. Basta lang kay mga ekals ni sila.
NG: Mga tuyab ni, Nyor? Mga Maya?
ND: Di man tingali kinahanglan, Nyor. Kay matud pas Wikipedia: “A bromance is a close, emotionally intense, non-sexual bond between two (or more) men. It is an exceptionally tight affectional, homosocial male bonding relationship exceeding that of usual friendship, and is distinguished by a particularly high level of emotional intimacy.” Pero di ko matinga kon ma-develop ang usa ka bromance ngadto sa pagka bayotmance.
NG: Wayok ang show! Bag-o ni nga uso?
ND: Dugay na ni, Nyor. Gani 1930s pa na-coin ang maong termino apan ning panahon lang sa LGBT misikat ang maong pulong.
NG: So karaan na diay ning maong lihok?
ND: Yes, yes, yo, Nyor. Ug nahibawo ka kinsa sa mga superheroes ang klaro kaayo nga may bromance?
NG: Kinsa man, Nyor?
ND: May lain pa kon di si Batman ug Robin.
NG: Ahaka gyud nimo, Nyor. Sa ato pa pwedi diay makahimog sine nga “Batman and Robin: A Bromance?”
ND: Kaayo. Apan daghan lang mingislo aning ilang bromance.
NG: Ngano man, Nyor?
ND: Daghan man gud kunong natinga kon nganong kining usa ka hamtong nga lalake mosul-ob man sa iyang brief ibabaw sa iyang tights ug nganong magdada kinig usa ka batan-ong lalake ug ngano silang duha magsul-ob man og kapa.
NG: Kon miingon ang Wikipedia nga mahimog di lang ang managparis ang maka-bromance, sa ato pa pweding usa ka bromance ang mga gang ug frat?
ND: Of course. Gani kadtong mga piniriso sad nga gipanghubuan sulod sa BBRC sa usa ka shabu raid mahimo sakop sa usa ka drug bromance.
NG: Drug bromance pud tong ila ni Cheech and Chong?
ND: Tumpak. Pero kang kinsa mang bromance ang inila kaayo sa dakbayan?
NG: A, ang kang Tomas ug kang Dumpit. Pero gibuwag naman sila kay gilabay man ni Bato si Dumpit sa Bohol. End of a bromance na ni, Nyor.
ND: Sa pagkakaron. Pero moagi bayag daghang pagsuway ang mga romance. Pilay pad, magbalik pa sila inig kanaog ni Digong.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
