‘Duna gyu’y gubaon nga mga PUJ’

By: Lloyd Suarez February 26,2017 - 07:59 PM

SUAREZ

SUAREZ

Sa tinuud lang pud bitaw duna gyu’y mga unit sa mga PUJ nga nagdagan gihapon nga puwerte na gyu’ng bati-a.

Ako mismo nga nakasakay og PUJ gikan sa downtown niadtong Sinulog nakatawa nalang sa akong kasinati-an kay ang gisungkod nako’ng payong nikalit paubos kay may daku’ng buslot ang salog sa PUJ unya ang akong kamot di makagunit sa tubo nga kuptanan kay mitapot ang tubo sa atop.

Pero in fairness sa ubang mga operator naka-maintain gihapon sa ilang mga unit nga kondisyon ang makita unya presentable bisag mi-abot na’g 20 ka tuig.

Karong adlawa nga mag-nationwide transport strike tungod sa pag-phase out na sa mga PUJ nga nag-edad (15) kinse anyos pataas, maglaum lang sab ko nga dunay win-win solutions sa mga isyu sa transport sector.

Ang importante nga luwas kitang manakay ug hamugaway sa mga PUJ.

* * *

With all due respect, sa mga tawo nga nagpasiugda sa one million signature campaign dinhi sa Sugbo aron supakon ang pagbalik sa death penalty, dunay importante’ng butang nga wa nila masabti.

Ang wa nila masabti mao nga ang re-imposition sa death penalty maoy pagpalanog sa pagka-bililhon sa kinabuhi.

Ang buot nakong ipasabot mao nga kitang tanan dunay responsibilidad sa pag-preserbar sa kinabuhi sa ubang tawo. Di ta mopatay aron di ta baslan.

Ipatigbabaw gyud ang prinsipyo nga kung kinabuhi maoy gi-utang pagabayran sab og kinabuhi.

Basically ang tawo mahadlok gyud mamatay. Mao nga daku’ng deterrent ang death penalty.

Di lang kasong patay o murder ug ubang linoog nga krimen ang silotan sa hukom-bitay. Kanang gipanday karon sa kongreso nga apilon ang plunder insakto na kaayo kana.

Tan-awa ra gud kung unsa ka epektibo ang death penalty. Mihimo dayon og mga maneuvering ang ubang mga kongresista nga dili ipa-apil ang plunder kay mahadlok silang maunay sa tari.

Simple ra man gyud ning akong analogy sa atong mga magbabalaud, kung di ka gusto’ng patyon pinaagi sa bitay ayaw pangawat sa kuwarta sa gobyerno. Ayaw mo pagbinuaya!

* * *

Sa laktod nga pagka-estorya, may kaangayan na ang judicial process sa nasud niining pagka-priso karon ni Senador Leila De Lima ug sa iyang driver lover nga si Ronnie Dayan human sila gipangtumbok sa mga drug lord nga nalambigit sa illegal drug trade sa New Bilibid Prison.

Normal na’ng moingon ang mga kaalyado ni De Lima sa Liberal Party nga political harassment ug political persecution ang nahitabo sa senadora.

Pero in fairness sa Duterte administration, ang huwes nga mi-isyu sa warrant of arrest dili politiko ug dili tinudlo sa Presdente. Unya ang husgado co-equal branch sa executive department nga mopatigbabaw ang pagka-independent.

Ang uban mi-kuwestiyon kung nganong wa unaha pag-resolbar sa huwes ang motion to quash information o motion to dismiss sa mga kaso ni De Lima.

Nalimot ang ubang kritiko nga discretion sa korte ang pagpa-aresto dayon sa akusado ilabina nga dunay existence sa probable cause.

Ang wa masabti sa uban nga kinahanglang mo-submit una sa court jurisdiction si De Lima sama niini karon nga siya usa na ka piniriso. Proper and regular ang gihimo sa husgado nga ipa-priso una si De Lima sa di pa paminawon ang iyang mga hangyo pinaagi sa mga legal skirmishes.

Mas bati paminawon ang atong judicial process kung gihatagan dayon og pabor si De Lima unya nagpabilin ang pagka-gawasnon.

Manawagan ko sa husgado nga ipatuman dinhi ang speedy trial aron kahatagan siya og insaktong kaangayan.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Cebu, Cebu City, De Lima, death, jeepney, PUJ, solutions, Strike

We use cookies to ensure you get the best experience on our website. By continuing, you are agreeing to our use of cookies. To find out more, please click this link.