Maanyag nga santos nga may maduguong bulok. Mao kini ang akong frustrated translation sa ngalan ni Bella Ruby Santos nga bag-o lang gi-aquit sa kaso nga kidnap-homicide. Beautiful ruby saint. Ang ruby usa ka mahalong bato nga may susamang bulok sa dugo.
Ngano? Mao kini pangutana sa kadaghanan, labi na sa media. Nahimuot ako nga gahunahuna niani. Ang “ngano” usa ka mubo kaayo nga pangutanan apan naghatag og bug-at nga character sa nangutana.
Una, ang kining nangutana og “ngano” nakahukom na nga si Santos (kuyog sa iyang Briton nga uyab) maoy ni kidnap patay sa 6 anyos nga si Ella Joy Pique niadtong Oct 8, tulo na ka tuig nga milabay bisan pa man ug wa sila makasaksi sa hitabo.
Ikaduha, mao nga gamay ra kaayog pagsalig sa atong justice system kining mga tao nga nangutanag-ngano.
Ikatulo, giuhaw og panimawos ang mga naangutan niani.
Dili ang kamatuoran ang ilang gipangita kon dili nga dunay masilutan sa maong krimen.
Dali ra sabton kon nganong daghang buot molansang kang Santos. Usa siya ka bar girl nga dunay uyab nga puti ug duna silay Pajero nga itom. Alang sa kasagaran ubos ang moralidad sa usa ka bar girl ug nga dili kaayo layo kaniya ang paghimog krimen.
Puti ang kasagarang akusahan og pedophile, ang krimen sa pakighilawas og bata o minor de edad. “Dark Pajero” maoy giingon sa mga saksi nga gisakyan ni Ella Joy. Apan dili man gud nato ma one plus one plus one ang pagtugkad sa kamatuoran.
Ang ka kuwang sa ebidensya ug ingon man ang kakuwang sa kasalignang saksi maoy hinungdan nga gi-dismiss sa korte ang kaso batok ni Bella Ruby Santos.
* * *
Nahimuot ako nga duna diay pelikula nga Tinagalog sa Cine Europa 17 nga gipasundayag sa Ayala cinemas sa miaging semana.
“Metro Manila” ang title sa maong pelikulo. Naapil kini sa European film fest tungod kay ang director niani usa ka Briton nga Sean Ellis.
Pinoy ang tanang cast niani nga naglakip nila nila ni Jake Macapagal (sa lead role isip Oscar Ramirez), Althea Vega (Mai Ramirez) ug John Arcilla (Ong). Sa Pilipinas gi-shoot ang tibuok pelikula.
Kabahin kini sa usa ka maguuma nga midala sa iyang asawa ug duha ka anak gikan sa bukid ngadto sa Metro Manila. Didto nahimong bar girl ang iyang asawa samtang siya nakasulod sa kompaniya nga tighatud og kwarta sa bangko. Giayo siyag atiman sa iyang dakudaku nga buot makigkonsabo kaniya sa usa ka plano.
Gi-release kini pag ka 2013 ug nakakuha kinig daghang pasidungog sa mga film festivals diin nahimo kining entry. Nakakuha usab kinig 93% sa isriktung mga reviewers sa Rotten Tomatoes movie review site.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
