Posible ba nga maabot sa pagkinahaay ang panagbangi sa grupo nila ni Tito Sotto, Vic Sotto, Joey de Leon ug sa TAPE Incorporated nga gipanag-iya sa pamilya nga Jalosjos?
Niinit pa gyod karon ang mga tabitabi kung kinsa sa duha sa mga nagbangga nga bato ang dunay katungod sa paggamit sa titulo nga “Eat Bulaga
Sa paglayas nila ni TVJ ug ang uban pang orihinal nga Dabarkads sa poder sa TAPE, “Eat Bulaga” pa gihapon ang gigamit sa producer sa pagpadayon sa programa sa GMA 7.
Pero sa among nadunggan nga chika, “Eat Bulaga” pa gihapon ang gamitong titulo o pangan sa show nila ni Tito, Vic & Joey sa pagbalhin nila sa TV5 kay kuno sila ang tag-iya niining titulo o pangan.
Nahisgutan ni Tito Sen sa usa ka panayam nga ilang ifight ang titulong “Eat Bulaga” para magamit nila sa show nila sa TV5 nga posibleng magsugod sa unang semana sa Hulyo.
Ready na pod sila nga pamatud-an nga si Joey ang nakahunahuna ani sa 1979 diin sila nagsalo salo sa ilang balay niadto.
Dunay mga hungihong nga kung di mosugot ang TAPE nga buhian ang “Eat Bulaga” o ang “Dabarkads,” posible nga maabot kini sa pagkinahaay.
Sa pagkakaron, “Eat Bulaga” pa gihapon ang gigamit sa TAPE sa pagpadayon sa maong programa sa GMA 7 kauban sa ilang mga bag-ong hosts nga sila si Paolo Contis, Betong Sumaya, Buboy Villar ug ang kaluha nga si Mavy ug Cassy Legaspi.
Niadtong Hunyo 7, gibandera na sa Mediaquest ang pagkahiusa og pwersa nila ni TVJ ug TV5 para sa buhatong programa sa “iconic” nga trio human kini sila niresign sa TAPE.
READ MORE:
Joey de Leon’s son Jako says TVJ, ‘Eat Bulaga’ hosts are the ‘real Dabarkads’
