Luna ug Bonbon
Gikondena sa mga animal welfare advocates ang nahitabo nga pagpanagmal sa duha ka shih tzu sa Legaspi City.
Kini nahitabo human mag-viral ang walay kalooy nga pagpatay sa usa ka Golden Retriever nga si Killua sa Camarines Sur.
Matud sa report, duha ka liverline shih tzu ang pinakauwahi nga biktima sa pagpanagmal. Ang maong mga iro giputlan sa ilang dunggan sa wala pa mailhi nga taw didto sa Barangay 8, Bagumbayan sa Legazpi City.
Nahitabo ang pagpanagmal niadtong Marso 20 human mosulod ang maong taw sa panimalay sa fur parent sa duha ka shih tzu nga sila si Luna ug Bonbon.
Sa usa ka Facebook post, gisaysay sa fur mom nga si Maris Icleo Aguilar ang nahitabo sa iyang mga fur babies nga 10 months pa lang.
READ: Holy Week is for fur babies, too
Matud ni Maris nga nanglakaw sila niadtong Marso 20 tungod kay duna silay gi-atiman. Sa ilang pagbalik sa ilang panimalay, nakita niya ang duha ka shih tzu nga nagkadugo ug galuya.
Nakita niya na wala na ang usa ka dunggan ni Luna samtang si Bonbon giputlan sa iyang duha ka dunggan.
Gipahimongtan sa kalagot
Matud pa ni Maris nga posibly nga dunay misulod sa ilang panimalay aron unta sa pagpanagwat. Apan sa dihang wala siyay nakit-an nga pwedeng kawaton, ang duha ka shih tzu maoy iyang gipahimongtan sa iyang kalagot.
“Grabe po iyak ko tapos pinaliguan ko sila. Halos ramdam ko ‘yong grabe isasalita nu’ng mga puppies ko kasi ‘yong tahol nila, ibang-iba talaga,” sey ni Maris.
READ: Dog gets away with mess by using her puppy dog eyes
“Pareho sila ngayon matamlay at halos ayaw na maglaro,” dugang niya sa iyang interview sa ABS-CBN.
Karong adlaw nga Lunes, nagplano si Maris nga iyang dad-on ang iyang mga fur babies sa veterinarian aron mahiling ang ilang kahimtang.
Hinabang sa duha ka shih tzu
Sa laing bahin, nanawagan usab siya og hinabang aron sa pagpatambal sa iyang duha ka shih tzu.
READ: Fur dad gets a rousing welcome from fur baby Zoe: Coming home never felt so good
Mipasalig usab si Mar nga dili siya mo undang sa pagpangita sa kun kinsa man ang midagmal sa iyang duha ka fur babies aron manubag kini sa iyang gibuhat.
“Palakas kayo mga babies ko. love na love ko kayo. d tayo titigil na d mahanap ang nag putol ng mga tenga ninyo,” sey ni Maris sa iyang Facebook post nga iyang giubanan og hulagway sa duha ka iro nga kuha sa wala pa mahitabo ang pagpanagmal niadtong Marso 20.
Daghan sa mga animal welfare advocates ang mikundena sa nahitabo nila ni Luna ug Bonbon. Ang uban miingon nga ilang i-ampo ang dinalian nga pagkasikop sa taw nga midagmal nila.