PHOTO: Instagram/@jinkeepacquiao
Proud kaayo sila si Manny ug Jinkee Pacquiao sa ilang anak nga si Mary Divine Grace, nga mas nailhan nga si Princess, nga tua na karon magtungha sa University of London.
Karong bag-o lang, milarga si Princess sa London aron didto na mo-eskwela sa college.
Gibandera ni Jinkee sa social media kun unsa siya ka emosyonal sa pagbiya una ni Princess sa ilang pamilya.
READ: Jinkee and Manny Pacquiao visit CLOY set location in Switzerland
Apan wala magdugay, gibisita nila ni Manny ug Jinkee ang ilang anak sa London sa pagsugod sa unang adlaw sa klase niini. Kauban usab nila ang ilang laing anak nga si Micheal.
Sa ilang pagbisita, gi-suroy usab nila ang nagkalain-lain nga buildings ug library sa University of London.
READ: Jinkee Pacquiao pens appreciation message for Mommy D
Makita sa social media post ni Jinkee ang hashtags nga “school tour” ug “first day of school.”
Gi-tag usab niya sa iyang Instagram account ang educational institution nga Royal Holloway.
View this post on Instagram
Makita sa laing post ni Jinkee nga gikuyogan nila sa dormitory si Princess.
Sa video, makita nga gihapsay ni Manny ang kama sa iyang anak, samtang nagluto si Jinkee.
“We love you Princess,” sey ni Jinkee sa iyang post.
Miingon si Jinkee nga padayon ang ilang pagsuporta aron makab-ot ni Princess ang iyang mga damgo, bisan pa man og sakit sa iyang dughan nga malayo kanila ang ilang anak.
Dugang niya, “We know you’ll be fine. God loves you.”
View this post on Instagram
Samtang naa sa London, misuroy usab sila sa mga sikat nga tourist destinations sa maong lugar.
Kun mahinumduman, niadtong Mayo lang nahuman sa high school si Princess, ang ikatulo nga anak nila ni Manny ug Jinkee.
