A Bathalad Apocalypse: intro alang sa chapbook ni Josua, Jeremiah ug Noel

By: Gerard Pareja June 23,2015 - 12:21 PM

Tungod sa Hollywood nahimong kahadlukan ang pulong nga apocalypse. Mga building mga hugno, mga balud nga mopapas og dakbayan. Pero ingon pa sa uban ang Biblia mismo maoy nagpahimong kahadlukan ning maong pulong tungod sa mga graphic images sa symbolic nga language nga gigamit ni John sa Revelation nga sa Grego gitawag og Apocalypsis Ioannou nga kabahin sa ikaduhang pagbalik sa labaw nga makagagahum. Ug tingali tungod sa Bible ug Hollywood nahimo nang synonymous sa “end of time” ug “end of the world” ang pulong nga apocalypse.

Apan intawn ang maong pulong sa iyang original Greek form nagpasabot lang og pag-abot sa bag-ong kasayuran. Synonymous kini sa eureka ug epiphany. Posibleng ma tay-og kas imong gilingkuran tungod sa imong kakurat sa pagbutho sa mga wa nimo damha apan wa sad tingali yuta nga mangliki ug mga bukid nga malanay inig sugat mo ning bag-ong kasayuran.

Ang pinaka simple form sa apocalypse makita mo sa balak og tigmo nga inig amgo mo sa ilang mga kahulugang gitagotaguan, makaingon kag -‘taya, daan pa lagi ko.

Duna akoy daghang friendly apocalypses nga nakuha sa pagbasa ko ning chapbook sa mga Bathalad nga sila ni Jeremiah Bondoc, Josua Cabrera ug Noel Villaflor dili lang sa ilang mga balak kon dili sa mga manunulat usab.

Human sa akong pagpaklipakli nasayran ko nga si Noel diay maoy natural narrator sa tulo. Nakatawa ako niani kay sa among panagtapok dili man kini mo antog og istorya pero abtik kaayo kini og lalis.

Dunay taas nga balak si Noel kabahin sa tao nga nag damgong makakitag actual nga snow. Apan ang pagka maayo modag sugilanon ni Noel dili lang sa mga tag-as nga balak bisan sa iyang mugbo kaayo nga trabaho makita mo ang iyang abilidad sa paghan-ay. Ania ang iyang apocalyptic nga balak:

Panagna moabot ang panahon nga wala/nay grpika, pamalak ug musika/ang talidhay ug agulo/mahanaw uban sa katapusang/yamog sa panumduman ang magpabilin na lang/gawas sa hagurus sa kahilom/kay ang panaghoy sa okok/nga gituboan og simud.

Si Jeremiah nga niadto daghang seryoso nga balak nga daw motuki sa kahilum murag mikalit og kiat ning iyang collection diri sa chapbook. Murag buot siyang mopadayon mga bibo ug madasigong sinuwat ni Ernesto “Ernie Boy” Lariosa. Aniay sample igat-kiat ni Jeremiah:

Subliminal Seduction Imo kong gisungog nga mibahag/Akong ikog atong kianunahang/Higayong namisita ko nimo/Kay tiaw mo na, pung pa nimo, nga//Human itunol ang gisaad nga/Libro, ingon man dayg, sige adto/Na ko. Gipasabot tika nga part/Gyud to sa akong strateheya-/Kanang gi-ingon nga subliminal/Seduction. Katong gabhiuna pud/Nuon, gadanga-danga nang uwan/Ug sa may hagdan pa lang, mihamok/Nako kadtong di gyud masaypan/Nga kahumot sa bag-ong kaligo.

Si Josua Cabrera nga malampuson sa iyang pagka manunuwat ug iyang pagka graphic artist daw mipakita sa iyang kalaay sa traditional forms nga naghimo siyag pipila ka experimento sa porma ug sa syllabication sa dinhi. Ania ang duwa sa pagbalibali sa mga pulong.

Ilab-ilab Bisan pag bali-balihon ang kalibutan/Nato balik nga nohilab-hilab/Sabni pa og labi-ibalhion gan akilnatbo/Ang kalibonat hionlabi-bal go ap nisab.

Asu ar gna gnetrewp ahorlk/Horaika twerpeng nag ar sau/Pengtrew nag ar sau/Usa ra ang pwerting klaroha Inlab gihapon ko’s imoha. Gatuo ko nga maurag anthology kining maong chapbook apan sa akong apocalypse usa diay kini ka rarity.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS:

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.