Salins Hulbot
“All in all, you are just another brick in the wall” -Pink Floyd/”The Wall”
Diha kunoy usa ka panagtipon, pipila na ka dekada ang milabay, sa mga manunulat sa lain-laing nasud didto sa ulohan. Ug niadtong maong panag-tapuk may Amerikanong manunulat nga nahubog ug gisamukan sa tingog sa helicopter. What is that? Nangutana kini. Gitubag siya sa atong Nick Joaquin og -it’s American, it’s one of yours and it’s very loud.
Mao nga ganahan kong magtan-aw ni Donald Trump sa mga debate kay sa tanan nilang mga kandidato sa pagka presidente sa America siya ang pinaka-duol sa American visitor to the Philippines – Negosyanteng sapian, mangihatagon, reklamador ug pagarpar. Ang alingugngug nga kahibawo mo gasto.
Tungod sa iyang pagka-pagarpar daghan siya nga nainkwentro apan daw mosikat siyag samut matag human sa mga kagubot nga iyang masudlan.
Typical nga kapitalista buot niyang patiran ang mga magdag samok sa status quo o naandan kay makadaut man kinis negosyo. Kay kadaghanan sa mga terrorista mga radical Islam followers man buot niya nga ipa-ban ang pagpasulod sa America sa mga Muslim nga gikan sa Middle East. Ug unya kay gagikan man ang mga drugas sa mga cartel sa Mexico nanghambug siya nga pahimo-an niyag paril ang border sa America ug sa Mexico ug nga ang Mexico maoy pabayron niya sa pag-tukod ning maong paril.
Apan kay dili man tanang Muslim sa tungang silangan nga buot mo-ikyas sa kagubot didto mga terrorista ug nga dili man tanang taga Mexico nga buot maka kab-ot og mas haruhay nga pagka-butang sa USA mga drug smugglers mao nga alma sa pikas nga bahin sa paril si Pope Francis. Matud pas Santo Papa nga dili buhat sausa ka Kristiyano kining mga buot ipa-tuman ni Donald Trump.
Mityabaw ang mga sakop sa Republican party diin sakop si Trump nga dili unta mag apil-apil ang Santo Papa sa politika sa ilaha. Kay matud pa nila, wa siyay kalibutan sa tinuoray nga kahimtang sa ilang nasud nga dali rang masudlan sa mga terrorsita ug mga kriminal.
Midugang si Trump nga bisan ang Vatican diin nanimuyo si Pope Francis duna may paril nga nagpalibut niani .
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
