Mi post sa facebook ang akong amiga nga beauty queen og picture sa usa ka puti nga lalake sa airport ug iya kining gikapsyunan og –….and my date just landed in Cebu. See you soon in Tacloban. Thanks … for accommodating him.
Daghan man kaayong Westerner nga maibog ning akong amiga mao nga gatuo ko ka tinuod tingali. Murag rock star o actor ang maong lalake, hitsuraan ug may patik sa bukton.
Nakatawa na lang ako dihang migawas sa TV news ang maong hulagway nga iyang gi post. Ang legendary nga football player man diay sa England –si David Beckham ang iyang gi post. Medyo blur man gud ang maong hulagway mao nga wa ko dayon mailhi si Beckham.
Bida si Beckham sa London Olympics kay siya may gipadala sa torch sa opening ceremony. Ug kanunay siyang makit-an sa korte sa Lakers kuyog ang duha niya ka anak.
Kon nalipat man ko ni Beckham nagpasbot lang kini nga dili gyud ako football fan. Gani murag gamay ra usab ang football fan sa Tacloban kay daghan kayo didto ang wa makaila kaniya. Daghang nangutana kon celebrity ba siya. Dunay ubang miingon membro siya sa Askals.
Miadto si Beckham sa Tacloban para motan-aw sa kahimtang sa mga naigo sa bayong Yolanda niadtong imaging tuig. Miduaw si Beckham isip goodwill ambassador para sa UN Children’s Fund.
Kon wa kitay alamag sa football mas wa pa gyud kitay alamag sa figure skating. Wa guy snow sa ato. Mao nga naigking ang tanan dihang may figure skating Winter Olympian kita sa Sochi, Russia karong tuiga.
Siya si Michael Christian Martinez ug sa migawas lang nga taho, nakasulod na karon siya sa medals round sa Sochi. Ika walo ang ranggo ni Martinez. Si Martinez sa mga junior figure skaters sa tibuok kalibutan ug ika 30 siya tanang skaters sa kalibutan.
Lisud hunahunaon nga dunay batan-ong figure skater gikan sa Muntinlupa City mahimong Winter Olympian. Matud pa sa mga TV commentators sa Russia –“He really does have a great range of movements.” Ang ila lang criticism mao nga dili kayo taas ang iyang layat.
Kining sugilanon ni Martinez nagpasabot nga dili mahimong babag ang lugar sa imong mga panganduy. Ug sa nahisgutan ko na may purohan mo patigbabao sa tanang bangga basta lang walay bola nga mountol sa maong aktibidad.
Ang ikatulong pangan nga misulod sa atong panumduman karon mao kang pork barrel whistle-blower Ruby Tuason.
Wa kunoy aso nga makumkum matud pas mga katiguwangan. Ug tuod man kining si Ruby maoy gatayhup sa aso pagawas sa hugot nga pagkumkum sa mga nangiwkiw.
Miangkon si Tuason nga siyay midunol sa mga minilyon gikan ni Napoles ngadto kang Senador Jingoy Estrada ug sa chief of staff ni Enrile nga si Atty. Gigi Reyes.
Didto na magtago si Tuason sa America apan niuli siya kay di kuno siya buot nga iyang mga anak ug mga apo mauwaw niya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
