Gerard Pareja
“And you’ll be sorry when I’m dead
When all this guilt will be on your head”
– The Police/ ”Can’t Stand Losing You”
Niadtong miaging semana dunay usa ka 21-anyos nga single mom sa Kamputhaw nga mi-livestream sa iyang suicide atubangan sa iyang dos-anyos nga anak babaye.
Gabitay siya sa iyang kaugalingon og iya kining gi-angle mga makuha sa iyang cellphone ang iyang gihimo. Usa ang pagbitay sa kasagarang pamaagi sa paghikug nga naglakop sa pag-ambak sa pangpang o building, pagpusil sa kaugalingon ug pag-inom og hilu.
Dili kini ang unang higayon nga nakabalita kitag naghikug. Dili usab kini ang unang panahon nga dunay nag live-stream sa facebook sa ilang pagkuha sa ilang kinabuhi. Apan kini ang unang live stream suicide sa facebook nga nahitabo sa atong dakbayan. The horror gets closer to home, sa Ininglis pa.
Ang gaunang pangutana sa mga nakasugat ning maong taho mao ang –“ngano?”
Ang kasagarang rason sa hikug mao ang kapakyasan, ang pagbati nga gibiyaan sila, ang pagbati nga di na sila madawat sa pundok nga bililhon kanila.
Duna say gitawag sa Ininglis og depression. Ug kon basihan ta ang giingon sa iyang amahan nga makakita siyag tao nga may sungay, daw masulod ang gitawag nilag psychotic depression ning maong sitwasyon.
Psychotic depression, matud pa sa internet site nga www.nimh.nih.gov/health/topics/depression/index.shtml, “occurs when a person has severe depression plus some form of psychosis, such as having disturbing false fixed beliefs (delusions) or hearing or seeing upsetting things that others cannot hear or see (hallucinations). The psychotic symptoms typically have a depressive ‘theme,’ such as delusions of guilt, poverty, or illness.”
Nanginahanglan og professional help kining depression og nga dili kini madag tambagtambag lang.
Ang ikaduhang pangutana: Nganong gi-live stream man niya ang iyang gibuhat? Duna bay papel ang facebook sa maong hitabo? Ang mga wa mauyon sa social media malagmit motando dayon niini og mobasol sa internet.
Apan ang kasagarang maghikug mangita gyud og “audience,” tinuod man o imaginary. Gani ang unang pangitaon sa mga imbistigador para pagsalikay sa purohan sa usa ka foul play mao man ang pagpangita sa suicide letter. Kasagaran sa mga mobitay sa ilang kaugalingon magbilin og suwat kabahin sa ilang mga kahiubos.
Matud pa sa usa ka contemporary philosopher, “man is a confessing animal.” Gikinahanglan sa gyud sa matag usa kanato ang pag suguilon sa atong mga gibuhat og planong buhaton, verbally man o non-verbally.
Ang paghisgut sa batan-ong inahan nga nakakita siyag sungayan maoy usa ka pagkompisal sa iyang kahimtang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
