The rise and rise of Jun Alcover

By: Gerard Pareja August 28,2016 - 11:19 PM


Sa tanang mga demonyito nga mihasi kang
Tomas kini tingali si Pastor Jun Alcover ang pinaka sipat kay lisud man kini siya ig-on.

Matud pas akong higala nga himasa, kon subayon mo kuno sa Bibliya ang kaagi sa yawa, gasugod kini isip suluguon sa Ginuo sa pagtintal ug panghasi sa iyang mga sakop para pagsukod sa ilang pagtuo. Apan sa kadugayan nag kalig-on kini hangtud nga nahimo na kining karibal sa iyang anak sa pag-angkon sa kalibutan.

Daw matandi ta ang pagtubo sa yawa sa pagtubo sa mga sinaligan ni Tomas nga tungod sa niya maayo pagda misungay na kaniya. Sidekick ra ni Tomas niadto si Alvin Garcia apan sa paglabay sa pipila ka eleksyon misuki na kini. Aw pagsuki niani, gi-ilisan niya kinig laing back-up. Si Mike Rama ang iyang gipuli niani. Apan wa madugay gisungay na usab siya niani. Nasamdan ra ba gayud siya niani kay napildi man siya niani niadtong piniliay sa 2013.

Kay mobangga man kaniya sa politika kining iyang mga kanhi batabata sayon ra kini Paw-on. Apan kining si Alcover nga daw walay ambisyon nga mag mayor lisod baslan. Nahimong ultimate prankster ni Tomas kining maverick member sa Team Rama.

Nalingaw akong gatan-aw sa video diin midikurso si Alcover sa posibling koniksyon ni Tomas kang Peter Lim ug Garbo. Wa kaayo ako malingaw sa iyang mga pulong apan nahimuot ako sa duwa sa camera, labi na inig usab niani sa focus. Gikan sa nawng ni Alcover, moabante kini sa nawng ni Konsehal Raymond Garcia nga ga ngisi, dayon moabante kini sa mas layong bahin diin makita ang ga mug-ot nga nawng ni Konsehal Margot Osmeña nga daw gakagut sa iyang ngipon.

Matawag tang maverick kining si Alcover kay samtang miphaba sa PDP Laban ni Digong ang iyang partido nga Team Rama wala kini siya moapil. Tungod kini kay sigi man usab niyang gihasi si Digong sa mga giingong human rights violation niani. Ug maong nindut paminawon ang iyang mga panahum ug pamira kay daw wa man kini gidapigan.

Niadtong miaging Huwebes, gipasakaan niyag upat ka kaso si Tomas. Apil ning maong sumbong mao ang pagpanghatag ni Tomas og pahalipay sa mga pulis kon makapatay kinig kriminal, ang paghimo sa mga flag ceremony nga usa na lang ka binuwan nga kalihukan.

Mingisi lang si Tomas ning mga pasangil ni Alcover kay matud pa niya wala kini legal nga punto. Ug nagkanayon ang mayor nga KSP o kuwang lang sa pagtagad ang konsehal. Aw hinuon naa may gitawag sa Ininglis og “it takes one to know one.”

Makahimuot kining mga lihuk panghasi ni Alcover kang Tomas kay daw sa kiat sa nauwahi kini mobaraw. Ingnon ta lang nga si Alcover ang Joker sa baraha diin si Tomas ang Haring Kamunggay.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Alvin Garcia, Cebu City, Cebu City Mayor, Jun Alcover, Mike Rama, Osmeña, PDP Laban, Rama, summary executions, summary killings, Team Rama, Tomas Osmeña, Tommy Osmeña

We use cookies to ensure you get the best experience on our website. By continuing, you are agreeing to our use of cookies. To find out more, please click this link.