Words on words

By: Gerard Pareja October 02,2016 - 09:02 PM

OPINION

 

1. Words don’t pop up in a vacuum. Dili nimo ibton ang mga pulong gikan sa mga panghitabo diin sila nabungat. Pananglitan mopasiaw kas imong amiga unya nikatawa siya, gihapak kaniya ug miingon siyag, “Hoy, buang!” Nagpasabot ba kini nga buang kas iyang panan-aw? Dihang gibalikas ni Digong si Obama, mingon ang nauwahi nga wa niya kini isipa nga personal kay nakasabot siya nga may himalikas nga kinaiya si Duterte. Kini gus Obama gitawag nis ilaha og “wordsmith.” Daw hinagiban ang pulong kon siya ang mogamit niani. Makausa gilituk niya ang pulong nga “nigger” sa usa ka live broadcast bisan pa man og taboo sa America ang maong pulog. Gigamit niya kini para pagpasabot nga lawom pa sa pulong ang race problem sa ilang lugar. Tungod sa iyang kaalam sa pulong, nakuha dayon niya ang kinaiya ni Digong.

2. Words would always be contextual. Daghan na ang mga joke o pakataw kabahin niani. Labi na sa mga text diin ang usa ka misspelling mahimo na nga makapasurok sa dugo sa nakadawat niani. Igo na nga makpatay siya. Nakabasa na tingali kamo sa binuang kabahin sa “wifi” nga na text isip wife. Daghan na usab nga managhigugmaay nga nagbuwag tungod sa sipyat sa pagsend.

3. Nobody owns a language. Gikan sa England ang Ininglis apan lahi na ang pag gamit niani sa mga Kano, sa mga Australian, sa mga Indian ug sa mga Pinoy. Ayaw mog kauwaw sa inyong Iniglis sa mga Kano. Sila may langyaw silay papaningkamuta pagsabot.

4. Words are explosive! Niulbo ang kaspas mga Hudiyo dihang natandi ni Digong ang mga kaliwat nila nga namatay sa Holocaust sa mga adik nga patyunon pa sa atoa. Gilaliman ka nga gisusama nalas mga adik to ilang mga kaliwat nga gipang-ihaw ni Hitler.

5. Words are never free from culture. Dihang miingon si Digong nga siya ang Hitler sa Pilipinas nga moihaw sa mga adik sama sa gihimong pagpatay sa nahiuna sa mga Hudiyo niadtong ikaduhang gubat sa kalibutan, wala manghimaraut si Duterte sa mga Israeli ug dili niya tumong ang pagtandi sa mga biktima sa Holocaust sa mga adik sa Pilipinas. Si Hitler usa ka mangtas nga way kaluoy. Sa atong kultura ang buot ipasabot ni Duterte mao nga mas mangtas pa siya ni Hitler sa iyang paggukod ning mga durugista. Susama ba kini sa mga pabuto sa pasko nga pangilngigay og pangan. Naay Judas Belt, Super Lolo ug Goodbye Philippines. Sa ato pa, bantay mo ani kay wa ni pasaylo inig buto.

6. Bee Gees ang words para sa mga Yellowists. Ang lyrics nga nagkanayog “It’s only words, and words are all I have to take your heart away.”

7. “More than Words” ang alang sa mga Digongers. Daw kining lyrics sa Extreme maoy ilaha: “More than words is all I ever needed you to show / Then you wouldn’t have to say that you love me / ’Cause I’d already know.”

Ug dinhi natapos ang atong syete palabras.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Duterte, Rodrigo Duterte, War on drugs

We use cookies to ensure you get the best experience on our website. By continuing, you are agreeing to our use of cookies. To find out more, please click this link.