“Five years ko nga nag tour guide sa Cebu ug Bohol.
Naa koy mga tours pero akong gi-handle kadtong mga client nako sauna, kana ilang mga guests. Wala naman ko anang sa internet nga booking kay kapoy man og atubang sa computer gud.
Ikomparar akong kita sa pag tour guide ug paninda og saging, mas kusog ning saging kay panagsa ra man ka makakuha gud og dinagkuay nga tour package. Maninda na lang ko.
Nindot man pud tong mag tour guide kay daghan ka’g ma experience ba, maka-meet ka’g lain-laing tawo, daghan ka’g makat-unan nila.
Pero sa pagpaninda og saging, diri nako na-meet akong uyab. Maninda pud siya og saging dapit sa simbahan.
Puhon pa ang kasal kay magtigum pa kay daghan kaayo ta’g barkada. Daghang paimnon barkada ba.”
Interviewer’s Note: This banana cue vendor requested not to be named although he allowed CDN Digital to take his picture.
