Gitambalan ang nagdugo nga ilong ni Xander Ford human kini naTKO sa ilang away sa boksing ni Christian Merck Grey niadtong Hunyo 18.
Wa molampos ang social media personality nga si Xander Ford sa iyang away sa boksing batok sa laing social media personality nga si Christian Merck Grey.
Niadtong Sabado, Hunyo 18, nagabot ang duha sa boxing ring sa “Battle of the YouTubers,” nga gipasalida pod sa YouTube channel ni Makagago.
Nibahad pa god to si Xander nga iyang patumbahon si Merck ug nipakita pa ni kung giunsa niya pagpangandam para sa ilang away.
Xander Ford naTKO
Pero sa dihang nagsugod na ang ilang away sa ring, naknockout hinoon si Xander human maigo sa TKO-punch combo nga gibuhian ni Merck.
Nagdugo pa gyod ang ilong ni Xander. Mao to nga gitabangan og giatiman dayon kini sa partner niini nga si Gena Mago.
Niingon si Merck sa usa ka Facebook post, “Sa asawa ako ni Marlou naawa eh!”
Marlou Arizala ang tinuod nga pangan ni Xander Ford.
Mibira pod sa social media
Pero di sad magpapildi si Xander Ford nga kanhi miyembro sa Hasht5 ug mibira pod siya sa social media.
“NAPAKAMANDARAYA NYO MGA BRUSKO KAYA PALA KAYO YUMAMAYAN LALO KA NA MERCK GREY,” matud pa ni Xander.
Mahinumduman nato nga nagsugod ang away sa duha sa dihang ‘gipaningil’ ni Marlou si Merck sa gisaad kuno niini nga siyay moabaga sa gastos sa bunyag sa anak ni Xander nga si Xeres.
Human sa ilang sinukliay og videos ug mensahe pinaagi sa social media, nagkauli ra og maayong buot ang duha ug nadawat ra pod ni Xander ang P350,000 nga personal nga gihatod ni Merck.
Apan pila ka adlaw lang human niadto kay nagsugod na pod silag binirahay sa social media. Kini niresulta sa ilang pagabot sa boxing ring sa “Battle of the YouTubers” kung diin nakaangkon og kadaut ang ilong ni Xander human kini maigo sa kumo ni Merck.
RELATED STORIES
Xander Ford bumanat kay Merck ukol sa pangakong P349k: Kung hindi mo kayang ibigay, sabihin mo!
Xander Ford ‘pinaghintay’ ni Makagwapo sa P349k, may mensahe sa mga nagsasabing mukha siyang pera
Xander Ford ‘sinisingil’ ng P349k si Makagwapo: ‘Gusto ko lang naman makuha ‘yung para sa amin’
