Image: Instagram/@sarahlahbati
Taliwa sa mga hungihong sa ilang panagbuwag sa iyang bana nga si Richard Gutierrez, gipahibaw ni Sarah Lahbati pinaagi sa usa ka social media post niadtong adlaw nga Sabado, Disyembre 9, nga mobalik na siya sa pag arte.
Si Sarah apil sa bag-ong TV series nga “Lumuhod Ka sa Lupa,” usa ka adaptation sa salida nga migawas sa 1986 nga adunay kapareho nga title.
“Grateful,” matud pa sa caption sa iyang post.
Makauban ni Sarah sa moang TV series sila si Sid Lucero, Kiko Estrada, Mark Anthony Fernandez ug Joko Diaz, kinsa mitambong na sa gipatawag nga story conference sa maong series, basi sa nga hulagway nga gipagawas sa Instagram page sa Viva Artists Agency.
Apan wala pa mohatag ang Viva og laing detalye sa bag-o nga TV series.
Mipagawas na pud og teaser ang TV 5 aron sa pagpahibaw nga ang maong series maapil unya sa ilang afternoon show lineup.
Sa wala pa ang maong TV series, si Sarah gihatagan og cameo role sa bag-o lang nahuman nga TV series nga “The Iron Heart” nga gibadahan sa iyang bana nga si Richard.
Ang iyang katapusan nga pelikula mao ang “Mission Unstapabol: The Don Identity,” nga gipagawas niadtong 2019.
Sa laing bahin, nagsugod ang storya nga gabuwag na sila si Sarah ug Richard niadtong Nobyembre human makita sa ilang mga fans nga wala na sila magkuyog sa mga hulagway nga ilang gi post sa social media nga kuha sa ilang bonding moments kauban ang ilang mga anak nga sila si Zion ug Kai.
Gi-angkon usab ni Annabelle Rama nga usa ka buwan na si Richard nga naa sa ilang panimalay.
Bisan og wala siyay permiso nga moistorya kabahin sa tinuod nga istado sa relasyon sa duha, mipasalig si Annabelle nga ang publiko, “will know about the truth in due time.”
RELATED STORIES
Sarah Lahbati changes Instagram name to ‘SLG,’ cuts hair shorter
Richard Gutierrez shares Sarah Lahbati sizzling photos: ‘Morning views and coffee’
KathNiel fans nasubo; Kim-Xian, Richard-Sarah giawhag nga moangkon na usab