Xian Lim ug Kim Chiu
Gitangtang na ang hapit tanan nga content sa YouTube channel sa Kapuso actor ug director nga si Xian Lim.
Nakurat ang iyang mga fans ug subscribers sa dihang maoy nisugat sa ilang panan-aw ang white space sa YT sa aktor ug wa na ang mga video nga nakaupload didto.
Deleted na pod ang mga vlog nila sa iyahang girlfriend nga si Kim Chiu taliwala sa padayon nga paggawas sa chika nga dugay na kuno sila nagbuwag.
Sa pagcheck namo balik sa iyang channel karong udto sa Martes, December 12, dunay tulo ka content sa iyang “history.”
Duha sa iyang mga short video clips ang naay sud nga pagsakay niya sa usa ka motorsiklo samtang ang usa pod kay nagtan-aw siya sa usa ka play.
Dunay long-form video pod nga nabiyaan sa iyang channel nga in-upload niya lima ka tuig na ang nilabay diin makita ang iyang animated drawings bahin sa iyang kinabuhi.
Baka Bet Mo: Kim suportado ang paglipat ni Xian sa GMA; makakatambal si Jennylyn sa unang Kapuso serye
Matan-aw pod ang iyang California trip sa video ug ang iyang cover nga “A Million Dreams” ni Ziv Zaifman, Hugh Jackman and Michelle Williams.
View this post on Instagram
Nagatuo ang mga netizens nga, basin kuno gusto na nga mo-move on ni si Xian sa reported breakup nila ni Kim bisan pa na wa pa gyod gideretso og pagangkon gikan nila sa celebrity couple.
Apan in fairness, wa pa naman gitangtang ang mga pictures ug videos nila ni Xian ug ni Kim sa Instagram sa Kapuso actor.
Usa ka semana na nga nabalita nga nagbuwag na sila si Kim ug Xian human ang 11 ka tuig nila nga relasyon nga nagsugod pa niadtong Oktubre sa dihang namatngonan sa mga netizens ang pagbakasyon na nga solo ni Kim sa ubang bansa.
Una nireact si Kim kabahin sa breakup nila ni Xian sa presscon sa “Linlng.”
Matud pa niya, “Grabe! Kayo talaga! Baka nalilinlang lang kayo. Okay naman po kami ni Xi.
“Oo, mapanlinlang ang showbiz, pero maayos naman. Masaya naman po,” niingon pa gyod siya.
Sa laing interview, nisugilon si Kim kabahin niini nga, “Grabe, sa amin na lang ‘yun. We’ll just keep it to ourselves na muna.”
Niadtong Abril 2023, emosyonal pa kaayo ang gibati ni Xian sa birthday ni Kim, “Truly, madly, deeply in love with you and I cherish every single moment I have with you. So many years have gone by and we’re still by each other’s side.”
Basin Bet Pod Ni Nimo: Xian hinamong sagutin ang tanong ng fans: ‘Sino si Iris Lee sa buhay mo!?’
