Chinese actor nga si Lu Jingang.
Kanhi Chinese actor nga nahimong makililimos sa Henan Province ang nabalita nga mokita kuno og sobra P500, 000 sa usa ka buwan.
Siya si Lu Jingang nga mibiya sa iyang pagka aktor aron magpakilimos na lang tungod sa kadako sa iyang kita.
Dose na ka tuig na sukad nga nagsugod sa pagpakilimos si Lu ug pirmi siya nga makita sa Qinming Shanghe Garden, usa ka inila nga tourist attraction sa Henan Province.
Matud sa balita sa Odditycentral, kada adlaw moadto si Lu sa Qinming Shanghe Garden aron mangayo og limos sa mga turista nga mobisita didto.
ALSO READ: China deploys singers, actors to assert sea claims
Sa iyang pagpangayo og limos, nagamit pud ni Lu ang iyang pagka artista. Gawas nga mag sul-ob siya og guba nga sinina, makita pud nga hugaw ang iyang hitsura aron mas katoohan nga usa siya ka makililimos.
Ang Odditycentral nagkanayon nga mokita si Lu og moabot sa 70,000 yuan o P543,128 sa sulod sa usa ka buwan. Wala pay labot niini ang mga pagkaon nga ihatag sa mga turista.
Tungod sa kadaku sa iyang kita, gitawag siya og “richest beggar in China.”
ALSO READ: LOOK:Duterte nakasama ang sikat na Chinese actor na si Jackie Chan
Matud ni Lu nga wala siyay nakita nga sayop o ngil-ad sa iyang gibuhat tungod kay desente nga panginabuhian ang pagpakilimos. Gawas niini padayon usab niya nga naipakita ang iyang passion sa pag arte.
Ug tungod sa kadaghan sa mga turista nga mikuha sa iyang hulagway ug video, nahimo na pud siya nga internet sensation sa ilang lugar.
Si Lu pud kuno ang usa sa mga rason ngano nga mas nagkadaghan ang turista nga mobisita sa Qinming Shanghe Garden. Ang uban nila mobisita lang sa maong lugar aron makakita niya ug para mohatag og limos.
Daghan sa mga netizen nga nakakita sa video ni Lu ang nagkanayon nga gusto na lang pud sila mo resign sa ilang mga trabaho aron magpakilimos na lang.
