CEBU CITY, Philippines— Karong adlawa, Abril 1, ang gi tawag nga “April Fools Day,” kun diin mag hari ang mga pranksters ug mga binuang.
Apan sa atong pag celebrar sa maong adlaw atong pagahinumduman nga atong mga binuang o pranks angay luwas sa tanan, dili maka sakit ug maka agrabyado sa mga taw sa atong palibot.
Mahitungod kay adlaw ron sa mga binuang, ang CDN Digital nangutana sa mga Siloy og sila naka suway na ba nga ma binuangan.
Agay!
Ug sa wa’y pag duha-duha, pipila sa atong mga ka-Siloy mi padangat sa ilahang mga tubag, uban bugal-bugal, apan ang uban mura’g naa ma’y dalang hugot.
Ang pangutana:
“Kasuway na ba ka’g gi binuangan?”
Pwde ni binuang sa lain-lain bahin sa kinabuhi, apan mura’g binuang sa gugma man ang kargadong hugot sa mga ka Siloy.
Naa’y usa ka-Siloy nga mi ingon binuang nga wa siya ma uli-i sa gi utang sa iyaha. Nangutang para pag panganak, apan karon grade eight na ang bata wa gihapon ma uli-i.
Aduna sa’y mi hisgot nga na binuangan sa online seller, lahi nga butang ang mi abot.
Usa sab mi ingon nga bisan paman nga kihablo siya nga gi binuangan na siya, nag pa buang-buang nalang sab siya, “go with the flow” ang show.
Apan pipila sab gyud ang mi ingon nga kasuway kaayo nga gi binuangan ug gani na anad na sila ni ini.
Bisan paman nga naka suway nata ma binuangan, padayon ra gihapon ta sa pag sagubang sa matag adlaw.
Sa mga naka suway og mga sakit nga binuang, padayon sa pag buhat og nindot, ayaw og balos.
Ug sa mga naka suway og mga alegre nga mga binuang padayon sa pagkatawa, ug sa mga ni buhat ni ini padayon sa pagpakatawa sa uban.
READ MORE: Greatest April Fools’ Day pranks in history
