Wa na ma-uso’ng higante?

By: Gerard Pareja June 27,2015 - 08:41 AM

Nyor Gamay (NG): Nyor, wa na tuod ma-uso ang mga higante sa NBA?

Nyor Daku (ND): Nganong naka-ingon man ka ana Nyor?

NG: Di ba gipalingkud naman sa coach sa Golden State Warriors nga si Steve Kerr ang center sa ilang team nga si Andrew Bogut sa ilang katapusang tulo ka duwa? Gani mi-suon man ang coach sa ilang contrang Cleveland Cavaliers nga si David Blatt ang ila usab nga center nga si Timofey Mozgov. Gani maka-ingon man ta nga ang NBA finals nahimo na nga duwa sa mga point guards

ND: Gawas ni Lebron.

NG: Pero si Lebron nga forward miduwa nag center ug guard. Kay siya nay mo-da sa bola unya human inig pasa niya, mo pwesto na siya para post-up.

ND: Nahitabo lang tingali Nyor nga ang team ni Kerr dunay pito ngadtos walo ka out side shooter. Mga three point artists sama nila ni Stephen Curry, Klay Thompson, Andre Iguodala, Draymong Green, Harrison Barnes, Leandro Barbosa ug Shaun Livingston. Talagsa-on ra kini mahitabo sa usa ka team. Kasagaran tulo ray outside shooter ug dunay mga higayon mag dungan og kagar kining tulo. Tungod sa kadaghan sa hingigo sa Golden State bisag kagaran pa silag tulo anaa pay lima nga moapauwan og tres. Maong ila kining gipahimudsan nga line-up sa mga hingigog tres.

NG: Pero ngano man lagi ni ron ang Laker’s Nyor?

ND: Naunsa man diay?

NG: Di ba mao man ni ang team diin ang mga higante maoy modala nila sa championship? Mga higante sama nila ni George Mikan, Wilt Chamberlain, Kareem Abdul Jabar, Shaquille O’Neal, Pau Gasol ug Andrew Bynum.

ND: Tinuod.

NG: Unya nganong wa man nila kuhaa ang center nga si Jahlil Okafor ug gipili man hinuon nila ang point guard nga si D’Angelo Russell. Wa ba kini magpasabot nga misuon sila sa Golden State?

ND: Ang draft diay buot nimong ipaibot. Stratehiya ra na Nyor.

NG: Unsa man nga stratehiya Nyor?

ND: Una, nangita silag ikapuli ni Kobe sa guard position kay last year na baya ron ni Bryant. Gatuo sila nga si Russel nay modala sa team kon wala nas Kobe. Ikaduha, dili sila kinahanglan nga mokuhag rookie nga center kay daghan kaayo rong mga higante nga ga free agent. Naa si DeMarcus Cousins nga wa ma-uyoni sa ilang coach. Naa si LaMarcus Alridge. Marc Gasol, ang mangsuong Lopez, Tyson Chandler, D’Andre Jordan ug uban pa. Mas mo-pabor silag bitirano para makatabang dayon kini ni Kobe. Ug gawas pa si Okafor susama ra man og lihok sa ilang draft pick last year nga si Julius Randle so redundant na.

NG: Sa ato pa, di ka motuo Nyor nga na wa nas passing ang mga higante sa NBA.

ND: Unya ra ko motuo Nyor kon mo-duwa nas Manny Paquiao sa NBA.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: George Mikan, Gerard Pareja, Kareem Abdul Jabar, NBA, Pau Gasol ug Andrew Bynum, Salins Hulbot, Shaquille O'Neal, Wa na ma-uso’ng higante?, Wilt Chamberlain

We use cookies to ensure you get the best experience on our website. By continuing, you are agreeing to our use of cookies. To find out more, please click this link.