Maurag ma sintro ang Eat Bulaga ning umaabot nga piniliay. Nahimong numero uno nga senador si Tito Sotto niadtong eleksyon sa 1992. Daghang miingon nga may kalabutan sa iyang pag top sa maong eleksyon ang iyang pag gamit sa theme song sa Eat Bulaga sa iyang pangampanya.
Si Tito Sotto mao ang Tito sa pundok nga Tito, Vic and Joey nga maoy core trio sa Eat Bulaga, ang longest-running lunchtime variety show nga karon mga 35 anyos na nga gadagan.
Niadtong miaging duha ka tuig nga init pa kaayo nag issue sa Reproductive Health Bill daghan kaayo ang nanaway kang Tito Sotto kay sa iyang mga diskurso batok ning maong pamalud ni basa man siyag sinulat sa uban nga giangkon niyang iyaha. Plagiarism sa Iniglis pa. Kon diha pay eleksyon niadton panahuna motiurok gyud unta si Sotto.
Pero sa survey karon siya na usab ang gauna sa mga kandidato pagka senador sa umaabot nga piniliay sunod tuig. Tungod kini kay misikat pag maayo karong panahuna ang Eat Bulaga tungod sa ilang Kalyeserye nga gisuportahan sa Aldub Nation, ang grupo sa mga fans sa love team ni Alden Richards ug ni Maine Mendoza alias Yaya Dub.
Ug kon di ma disqualify si Grace Poe sa iyang pagdagan sa pagka presidente malagmit sakyan ni Poe ang Aldub Nation sa iyang kampanya kay si Tito Sotto nga maoy nahimong campaign manager sa iyang amahan niadto nisupporta man karon kaniya. Mahimo na usab nga Network wars ang 2016 elections kay ang asawa sa presidential candidate sa LP nga si Mar Roxas nga si Korina Sanchez tua man sa pikas istasyon.
Kon madayon ang kandidatura ni Poe ug mo all out ang Eat Bulaga family mahimong patukarog balikbalik sa pikas istasyon ang kantang “Spolarium” sa Eraserheads nga gituohang usa ka pasumbingay sa giingong pag rape ni Vic Sotto ug Joey de Leon sa usa ka menor de edad nga bold actress nga gihinganlag Pepsi Paloma niadtong 1982.
Ang Spolarium mi allude sa painting ni Juan Luna nga midaug sa usa ka painting competition sa Madrid nga mi allude sa kakuwang sa kagawasan sa mga Pilipino ubos sa mga Katsila nga mitandi kini sa kahimtang sa mga gladiator sa Roma nga kang kinsang mga patay nga lawas gilabay na lang sa ilang morgue nga gitawag og spolarium.
Ang mga linya kabahin sa gihubog nga nga di na makauli sa ila ug ingon man sa gipapas nga sinuwat sa mga tao nga gihinganlag Enting ug Joey maoy naka link niani sa giingong pag rape ug kamatayon ni Pepsi Paloma. Giingong gi gang rape ni Vic, Joey ug Richie D’Horsie ang starlet. Ug dihang ipasaka na unta ang kaso batok kanila nga may silot nga kamatayon gipugos kuno ni Tito Sotto pag paatras sa iyang sombong ang dalagita. Ang tabitabi nga may dala kunong pistola si Sotto niadtong higayuna sa iyang pagpapirma sa actress. Puros ra kini hugonhugon hinuon.
May moingon nga kabahin ra kuno sa usa ka panagatagay diin nahubog si Ely Buendia ang kanta sa Eraserheads. Si Buendia ang composer ug leader ning maong banda. May moingon usab nga usa ka panimawos batok kang Sotto ang maong kanta sa Eraserheads kay gihasi kini sila sa senador tungod sa ilang kantang “Alapaap,” nga sigon pa sa senador pro-drug abuse.
Record breaking karon ang popularidad sa Eat Bulaga. Pero matud pa -what goes up must come down. Busa dabarkads pangandam kamo sa 2016 elections diin klarong malambigit ang popularidad nga noontime show.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
