Matod pa, mediocre (medyo bugoon) folks talk about people. Samtang average people kuno talk about events while smart ones discuss ideas.
Pero magbinugo lang sa ta kay nindot man gud ang mga istorya nga may kalabotan sa mga tawo nga atong mabasahan kanunay sa balita.
(Hinuon, interrelated ra man kini sila kay ang idea kinahanglan man og event para ma tested unya, ug ang mga tawo man maoy maghimo og event. Sa ato, gikinahanglan ang tawo ug hitabo para matungkad ang usa ka idea.)
Samtang gisugdan na ni Stephen Curry sa Golden State Warriors ang pagdominar sa National Basketball Association (NBA), ang kahayag sa guard sa Los Angeles Lakers nga si Kobe Bryant miawop na. Gani niadto lang usang adlaw, nisulti na man siya nga mao na kini ang katapusan niyang season sa liga. Duha na man gud siya ka dekada ning maong liga. Nagpangidaron pa siyag 17 anyos pagsulod niya isip rookie, pero 37 anyos na siya karon.
Misugod paghayag ang career ni Kobe pagsawop sa kahayag ni Michael Jordan sa Chicago Bulls nga sama kaniya shooting guard usab. Tungod niani, gitawag siyag bag-ong Michael Jordan. Nasuko ang mga fans ni Jordan ning maong komentaryo. Ug dihang may niingon nga mas maayo pa si Kobe ni Jordan, niulbo ang ilang kaspa.
Dihang gipangutana si Jordan kon kinsay mas maayo ni Kobe ug ni Lebron James (forward karon sa Cleveland Cavaliers), way langan kining nipili kang Kobe. Tingali kay imitation is the best compliment kay maayo man kaayong pagka Xerox ni Kobe ang mga lihok ni Jordan.
Kalima maka pa-champion sa Lakers si Kobe samtang kaunom si Jordan sa Bulls. Si Bryant nakapuntos og 81 points batok sa Toronto Raptors. Mao kini ang ikaduhang kinadak-ang puntos nga nakuha sa usa ka player sulod sa usa ka duwa. Ang kinadak-an mao ang 100 points ni Wilt Chamberlain.
Kausa ma-MVP si Bryant ug kaduha siya ma-finals MVP. Usa ray drama nga nahitabo sa kinabuhi ni Jordan ug kadto mao ang pagtulis-patay ang iyang amahan. Samtang si Kobe, napuno og drama ang iyang kinabuhi. Dunay kaso nga rape, ug pakig-away kang Shaq O’Neil ug sa administrasyon sa Lakers.
Wala matuman ang pangandoy sa iyang fans nga mahuman niya ang iyang career in a blaze of glory. No Hollywood ending, matod pas iyang critics. Ang nahitabo hinuon mao ang law of diminishing returns. Pero madawat ra kini sa iyang fans nga gasunod kaniya. Wa kaayoy maguol sa aning iyang last full show kay daw tanan nalingaw man sa salida sa bag-ong bida nga si Stephen Curry.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
