Sa unang tuig nako sa CTU, ang mga estudyante nga akong ka-atubang napugos lag enroll sa DevCom kay wala sila makaabot sa height requirement sa ila untang gusto nga kurso nga mao ang HM o Hotel Management.
Sa akong lima ka tuig sa CTU dunay duha ka estudyante nga di ko makalimtan ang ilang creative approach sa projects ug assignments. Wala sila maapil sa top sa klase kay medyo inconsistent man sila apan kanunay kong mag atang sa ilang assignment kon unsa na puy ilang gisuwat. Sila si Ener Cuambot ug Bikay Javier.
Gi-ingnan ko ni Ener nga duna siyay maguwang nga namatay sa lumba sa motocross.
Si Bikay, matud pas iyang mga classmate, milaste sa iyang manghud dihang may gikasugat sila nga laing motor sa usa kasaka-on nga bahin sa lungsod sa Alcantara niadtong Sabado. Nalabay si Bikay ug naparuk ang iyang ulo.
Gidala siya una sa Badian District Hospital dayon gihatud siya sa Vicente Sotto Memorial Medical Center.
Tungod tingali sa kakuwang sa kasangkapan sa maong hospital gihatud siya sa Cebu Community Hospital apan wala siya dawata kay walay ika down payment ang mga nagdala kaniya.
Gibalik na lang siya sa Vicente Sotto diin didto siya makabsig kinabuhi.
Duna sad koy laing estudyante sa DevCom niadto nga na absent kay nabanggaan sa motor atubangan mismo sa campus. Sa UP dihay nabangaan og awto. Puros hinuon naka recover kaning duha.
Maayo tingali nga i-apil sa insurance sa motor ang para down payment sa hospital nga mangayo gyud og down payment kon maaksidente man ang gasakay niani ug ingon man mabanggaan o maligsan niani.
Hapdos paminawn nga duna diay hospital nga mo-balibad sa gatinga nga walay ika down payment.
Ania ang “Gone Too Soon” ni Michael Jackson alang kang Bikay ug sa mga sayong nipanaw.
Like A Comet
Blazing ‘Cross The Evening Sky
Gone Too Soon
Like A Rainbow
Fading In The Twinkling Of An Eye
Gone Too Soon
Shiny And Sparkly
And Splendidly Bright
Here One Day
Gone One Night
Like The Loss Of Sunlight
On A Cloudy Afternoon
Gone Too Soon
Like A Castle
Built Upon A Sandy Beach
Gone Too Soon
Like A Perfect Flower
That Is Just Beyond Your Reach
Gone Too Soon
Born To Amuse, To Inspire, To Delight/Here One Day
Gone One Night
Like A Sunset
Dying With The Rising Of The Moon
Gone Too Soon
Gone Too Soon
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
