Gerard Pareja
Kon nakakita kamo sa royal wedding nila ni Prince Harry ug Meghan Markle nakamatikud kamo sa pagpangga sa mga Briton sa ilang mga tradisyon. Grabe kahugot ang pagkupot nila niani.
Ug mao kini ang dakong hinungdan nga wa na sila manginahanglan og written o sinulat nga constitution.
Matawag ta nga abstract o gani matawag ta nga spiritual ang ilang constitution.
Matud pa, ang tanang balaud nga na panday sa ilang Parliament mao ang ilang constitution.
Nagpasabot kini nga fluid, flowing, versatile ug dynamic ang ilang constitution kay mahimo man kining mausab sigun sa dagan sa panahon ug sa mga bag-ong balaud sa ilang Parliament.
Kini, ug ingon man ang pagpangga nila sa ilang mga tradisyon maoy nakapalig-on sa ilang nasud.
* * *
Kita, sa atong pagkasuonsuonon sa mga Amerikano gusto kaayo kitag constitution.
Apan mahilig ta mo revamp niini. Giusab kini ni Marcos ug pagabot ni Cory giusab na sad kini.
Ano ba talaga kuya? Unsa ba gyud ka sagrado ug ka importante kining constitution.
Kon makahinumdom kamo, ang pamunuan ni Cory niadto usa ka revolutionary government.
Dili intawon constitutional ang usa ka revolutionary government. Dili baya ang COMELEC (nga pro Marcos) maoy ni proklamar ni Cory kon dili ang people power nga suportado sa mga Kano.
* * *
Gi-impeach si Erap apan dili ang impeachment maoy nakatangtang niya pagka presidente.
People power nadash.
Gigukod si Erap sa mga dagkong panun.
Milayat inatwon ang sugarol ngadto sa usa ka baroto para makaikyas sa Malacañang nga gisulong sa dakong panon o mob, sa Ininglis pa.
Mas daku man og impluwensya kay kaniya ang iyang mga kontra.
Dili legal ug ingon man dili constitutional ang pagpalagput ni Erap
. Pero sagdi na lang kay the people has spoken man kuno
. Gi-swear in dayon ni Davide si Gloria.
Way balaud, diris ato ug ingon man sa ubang mga lugar, nga maka santa sa gahum sa dunay impluwensya. Mob rules?
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
