Ten years ago dihang milukat og driver’s license ang akong igsuon, may namatngunan siyang gapila nga wala makalukat sa ilang lisensya kay wala sila makapasar sa drug test.
Wala siya magdahom nga ingon na diay ka daghan ang drug users sa ato. Ug ang nakalawgaw pa niani mao nga daw normal ra kining mga tawhana, pamilyado ug dunay mga trabaho.
Fast forward sa panahon karon, ning panahon sa TokHang ni Digong diin miabot na og kapin sa 3.7 million ang mga adik o substance abuser. Kita sigurong tanan may kaila nga adik, maparyente man nato, mahigala o masilingan. Pero nahimo lang kining issue sa politika sa pagdagan n Digong. Ang pakigbatok sa druga maoy nahimong centerpiece sa iyang pagdagan. Ug mibahad na siya daan nga usa kini ka duguong kalihokan. Apan bisan pa sa makalilisang nga pagadangatan niani, misuporta gihapon ang dakong panon kag Duterte.
Ug karon nga siya na ang pangulo, iya na nga gituman ang iyang duguong saad. Kon di niya kini tumanon, iyang gipakyas ang mga mituo kaniya, labi na kadtong mibotar kaniya tungod sa iyang panumpa sa pagwagtang sa mga adik, pusher ug drug lord.
Tinuod dili tanan uyon ning maong kalihokan kay wa man guy kasiguroan nga dili maapil ang mga inosente ug way labot sa mga engkwentro. Pero hinuon ang bagang panon nagpabilin pa mang nagpaluyo ni Digong ug maong magpadayon pa kining operation TokHang. Ang makapaulbo las kaspa ni Digong ang mga ahensya nga mohudlat kaniya pinaagi sa mga pagpahaba ngadto sa mga way labot. Sama niadtong usa ka langyaw nga sibyaanan nga nangutana dalang hulga kon unsay iyang buhaton kon suknaon siya ni US President Obama sa mga giingong extra judicial killing sa nasod. Dinhi mibuto si Digong ug gibalikas tanan lakip na si Obama nga gitirahan niyas iyang classic nga “putang ina.” Ngano kunong mag-apil-apil man ang America sa iyang krusada kontra drugas nga dili man ubos sa US ang atong nasod?
Naigking si Obama sa iyang gipanulti ug nakahukom nga i-postpone lang una ang ilang panagtagbo kay adto unya siya ma balikasan ni Digong atubangan sa mga pangulo sa ubang nasud.
Hinuon miingon man si Obama nga nakasabot siya sa sitwasyon ni Duterte labi na sa krusada niani kontra drugas apan miingon siya nga di gyud hinuon kalikayan nga makapangutana siya kabahin sa mga patay nga mahitabo sa atoa matag adlaw.
Sala kini sa maong mga magsisibya nga mi-angle sa ilang pangutana nga daw gihimo nilang abat si Obama nga gipanghadlok kang Digong nga daw gihimo nilang bata nga way buot. Natural lang nga mosurok ang dugo ni Duterte sa maong daw panghudlat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
