Jollibee skips TV (Jo-join ka ba?)

By: Gerard Pareja February 12,2017 - 09:03 PM
Gerard Pareja

Gerard Pareja

Dunay duha ka punto nga angay palandungan ning gikagubtan karong commercial sa Jollibee.

Duna koy smart phone apan dili kaayo ko mo-internet niani kay hinay man gud kini modakop og Wi-Fi. Unya wa sad koy budget para sa mga postpaid plan. Mao nga music ra gyud ang kasagaran nakong gamit niani.

Apan kon ikaw adunay smart phone ug nga kanunay mo nga gigamit ang tanang features niani, daw matawag mo na kini nga imong higala. Ug bisag pustaan pa, mas daghan kag panahon nga gigahin sa imong telepono kay sa gigahin mo nga panahon pagtan-aws TV. Ug malagmit una mo nga nahibawoan ang linog sa Surigao gikan sa mga social media nga diha mo na pick-up sa imong smart phone.

Ug tuod man, ang igmat nga number one fast food chain sa nasod nga mao ang Jollibee, didto na lang mosibya sa ilang Valentines ad campaign sa Facebook ug YouTube. Ug ang resulta, sama sa mga tweet ni Trump, gikagubtan.

Duha ka ad ang ilang gi-post sa social media. Puros dunay twist sa ending. Ang “Crush” diin ang mga characters nagkadayon ug ang “Vow” nga sa lain nagpakasal ang babaye.

Ang unang punto ning maong sipa kaayo nga campaign mao nga kon establish kana nga kompaniya, mahimong di na ka kinahanglan mopalit og airtime sa TV para sa imong ad. Nagpasabot kini nga madugay, gagmay na lang ang TV commercial time nga paliton ning mga dagkong establishments. Malagmit nga mga mugbo na lang nga institutional ad ang ipagawa sa TV samtang ang ilang mga bag-ong promo ug gimmick ari na i-launch sa social media.

Of course dili pa mamatay ang TV networks, pero makita na nato ang ilang patyanan ug murag daw maangol gyud sila nianing maong trend.

Sa duha ka commercial, ang “Vow” maoy mas gikagubtan, mas daghan og nakuhang reaction. Mao kini ang ad diin wa magkadayon ang main characters. Gani posible man nga sikit-sikit ra diay sila apan dili uyab. Pero kay lagi sweet man kaayo ang ilang mga eksina, gatuo ang viewers na bayu sila.

Tinuod, happy ending ang mga fairy tales diin kadaghanan sa mga teleserye nangopya. Apan sa dili pa kita makabasa og fairy tale, diha pay laing genre nga atong nasugatan.

Nakahinumdom ka ni Jack nga ni-fell down and broke his crown, ug ni Jill ni come tumbling after? O di ba ni Humpty Dumpty nga had a great fall ug nga dili na ma-put back together again? O ba kaha ang duyan sa bata nga nahugno pagkabali sa sanga nga gihigtan niani human tayhupa sa hangin ang maong duyan?

Yes, ma’am, amo kini ang mga subo ug gani kulba nga mga nursery rhymes nga walay dalang happy ending. Tingali gawas sa rhyming, gihimo ang maong mga nursery rhymes agig pahimangno sa mga bata nga uban sa kalipay mao ang kasakit nga dad-on sa mga katalagman.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Cebu, Cebu City, crush, Jollibee, love, Opinion, skips, Trump, TV, Valentines Day, valetines, Vow

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.