outbrain

Danghag ang mga doktor sa Danao?

By: Lloyd Suarez December 09,2018 - 09:30 PM

SUAREZ

Kung tinuud man nga wa dawata sa Danao City Provincial Hospital kadtong bata nga taga Carmen nga namatay niadtong November 29 kinsa bag-o lang nag kuwatro (4) anyos tungod sa sakit nga dengue, kinahanglang manubag ang mga doktor.

Pero haskang lisudad gyud toho-an sa alegasyon sa pamilya ni anhing James Francis Gulfan ilabina sa inahan kay nahimo na’ng (standard operating procedure) SOP sa mga government hospitals nga hatagan gyud og prayoridad ang mga dengue patients ilabina kung bata ang biktima.

Ang inahan nga si Irene Manipis mi-insister nga gibalibaran gyud sila sa doktor sa emergency room niadtong November 26 bisag ubos na kaayo ang platelet counts kay way bakante ug wa sila hatagi’g referral paingon sa Vicente Sotto Memorial Medical Center bisag nangayo siya’g referral.

Sa interbiyu miingon ang inahan, “Nihangyo gyud ko nga i-admit bisan og adto lang mi sa likod basta ma-dextrose lang akong anak kay luya gyud sya. Mao pud na ang recommendation sa doctor sa among [Barangay] health center sa Carmen kay nag-positive man sa dengue pag test adtong buntag.”

Butang kini nga imbistigahon ni Dr. Rene Catan, head sa Integrated Provincial Health Office (IPHO) – Capitol kay ubos kini sa iyang pagdumala.

Mipasalig hinoon si Dr. Catan nga way cover-up nga mahitabo sa ilang pakisusi.

* * *

Sumpay sa akong lindog niadtong Lunes bahin sa pagpasagad sa taga CITOM pagbutang og mga signage nga “no parking” ilabina diha sa Saint Therese Parish Church sa Lahug, akong natawgan si Francisco “Isko” Ouano hepe sa CITOM-CCTO niadtong Biyernes sa tinguha nga ilang ipa-ibot.

Miingon siya nga iyang ipatang-tang kung nakasamok ug nakahatag og peligro.

Si Monsignor Boy Alesna nga maoy Team Moderator miklaro nga dugay na siyang mihangyo nga ipakuha tungod kay daghan na ang nabiktima apan way aksiyon ang CITOM.

Maglaum ko nga tinud-on ni Ouano ang pagtangtang sa signage kay possible nga daghan pa unyag mabikima sa mga manimbahay sa nagkaduol nga Misa de Gallo.

* * *

Samtang duna pa koy pagsalig ni presidente Duterte apan wa ko maka-uyon sa iyang gipangbuhi-an nga mga ataki batok sa mga Obispo sa Simbahang katoliko nga misangko nga iyang ipapatay.

Atong i-ampo atong presidente nga mapasaylo ra siya.

Tinuud dunay mga bayot nga pari apan wa sab tingali kaabot og 90 porsiento oy.

Makapa-alarma sab kadtong iyang giingon nga mga gago ang nagsuwat sa bibliya ug nanawagan sa mga katoliko nga dili na manimba kay iyang gihulagway nga ang Simbahang Katoliko maoy labing hipokrito nga institusyon.

Lisud ning batasana sa presidente nga nagsigeg pangatake sa Simbahan nga dili siya tuho-an sa katawhan.

Nakaingon ko nga wala tuho-i si Duterte kay bisag asa nga Simbahan ilabina dinhi sa Sugbo daghan gihapon kaayo ang nanimba sama sa first Friday mass sa Basilica Del Santo Nino niadtong Dec. 7 ug niadtong Sabado Dec. 8 sa Feast sa Mary Immaculate Conception.

Segurado sab ko nga di katay-og ang mga ataki sa presidente sa Simbahan kay mas daghan ang manimba sa siyam ka adlaw nga Misa de Gallo ug sa Pasko puhon ug sa Bag-ong tuig.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.