outbrain

VM Rama obstructionist na sa Labella administration?     

By: Llyod Suarez - CDN Digital | December 15,2019 - 06:27 AM

             

Si Cebu City Vice-Mayor Michael Rama ra gyud ang mabasol ning  pagtumaw sa dautang   perception sa publiko ngadto kaniya human iyang gi-unay pag-alkontra ang iyang baruganan.

Asa naman to ang iyang giingon nga way luna ang mga adik nga mga trabahante diha sa Cebu City  Hall?

Kaniadto atol sa ilang  pangampanya uban ni Mayor Edgardo Labella misaad sila nga mo impose og “one strike  policy” nga mao ang pagtaktak dayon sa mga trabahante ilabina kung JO o job  order nga mag-positibo sa paggamit og ginadiling drugas kay na bully ilang grupo niadto nga  “Team  Suyop.”

Pero unsa naman ni ron ang iyang  gihimo nga daw nag “Salvador El Mundo” naman niining duha ka mga adik nga mga kawani sa Department of Social Services (DSWS) bisag nangangkon na kang COSAP Chief Jonah John Rodriguez nga tiggamitan?

Magpa lahi gyud siya sa buraganan ni Mayor Labella nga mopatuman og outright dismissal  sa duha. Si Rama buot pa nga ipa confirmatory test ug hatagan og due process.

Migawas ang mga pangutana batok kang Rama bahin ning maong isyu.

Una, na tinuud ang gibutyag ni Presidente Duterte nga  siya drug protector ug  mosuyop?

Ikaduha, namulitika siya niining iyang padayong pag-alkontra sa mga palisiya sa mayor kay buot  niyang ipaka inutil ang Labella administration?

Ikatulo, tungod sa ambisyon sa politika ni Rama ug nagtinguha nga mobalik pagka-mayor, kanunay na siyang nakigkita kang kanhi Mayor Tomas Osmeña.

In fairness ni Rama nga nanawag sa akoa kagahapon sa buntag, siya nagkanayon nga dunay daghang mga tawo  sa City Hall nga nang-intriga ug gusto moguba sa ilang relasyon ni Labella.

Matud niya nga dili tinuud nga nagsige silag kita kang kanhi City Mayor Tomas Osmeña nga naghisgot nag pulitika.

Kabahin sa duha ka mga empleyado, siya mi-esplikar nga wa pa siya makadawat og written report sa COSAP bahin sa pagka-positibo sa drug test nga gipang-assign sa iyang opisina.

Iyang gipasabot nga kung under sa executive department, diskresyon ni Mayor Labella ang pagtaktak dayon.    

Pero kung under sa  legislative department nga siya maoy nangulo ug nag-appoint dili gyud  niya  ipataktak hangtud nga ma-observe ang due process o rule of law ngan nga usa siya ka abogado.    

Iyang gi-qualify nga mag careful gyud siya ug ipa-confirmatory test kay grabe ang stigma nga  mabiktima sa false accusation sama nilang former Busay Captain Amilo Lopez ug Suba  Barangay Captain Eddie Cabras.

Sa isyu nga namulitika siya, iyang giklaro nga wa gyud mahitabo bisag kausa nga nakigkita siyang Osmeña alang sa kamada sa sunod eleksiyon.

Matud pa usab niya nga padayon iyang suporta sa Labella government ug naglaum siya nga molampos gyud ilang pagduma sa balay lungsod.

Apan unsa pa may dugayan ning duha ka kawani ug unsay stigma nga gihisgutan ni Rama nga  nangangkon naman nga sila user.

Unsa mani kang Rama pang-grandstanding? O na natulibagbag na ang prinsipyo?

***

Matulog tag sayo karong gabii aron makamata’g sayo ugma sa kadlawon aron makatambong gyud sa unang Misa De Gallo pagpangandam sa Pasko 2019.

Nindot gyud kaayo nga batyagan ang diwa sa Pasko pinaagi sa pagtambong sa mga misa sa kadlawon ug makapaminaw sa mga Paskohanong awit sulod sa simbahan.

As expected, hogupan sa bagang duot sa katawhan ug ako naglaum nga dili inutil  ang atong  kapolisan sa ipatuman  nila nga mga security protocol.

Maglaum sab ko kang Cebu Archbishop Jose Palma nga makamando sa lain-laing parokya sa mga dagkung Siudad nga makapahigayon og anticipated Misa de Gallo sa siyam ka gabii aron sab ma-alagaran kadtong mga nagkinahanglan sa maong schedule sama sa mga dunay trabaho sa kadlawon.

Sa laing bahin, ako nagtoo nga may bonus gihapon ang tanang mga trabahante gawas sa 13th month pay bisan mipahibawo sila si Philip Tan ug Steven Yu sa Mandaue Chamber of Commerce and Industry nga maglisod sa paghatag ang gagmay’ng negosyante.

May nalang nga malipay ug makapahupay sa mga trabahante ug sa ilang tagsa tagsa ka pamilya  ang grasya bahala’g ginagmay.

Yawat nalang nga may saw-an intawon ang mga pobre kaayo’ng pamilya.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.