TV5 oh TV5

By Gerard Pareja |June 07,2014 - 10:09 AM

Ang impression nga makuha sa mga TV viewers nga modalikyat og tan-aw sa TV5 mao nga wa pa gyud mahibaw ang maong istasyon kon unsay ilang gustong himuon.

Nagsige na lang ni silag pangangkat og artista sa ubang istasyon apan wa sila kahibaw kon unsaon kini nila. Dihay panahon nga diha nila si Dolphy ug si Aga. Ang comedy king ug ang dramatic actor sa iyang generation. Unya naa pa gyud nila si Gelli de Belen. Ga anticipate ko nga maghimo silag hi-breed sa Home Along The Riles, Oki Doki Doc ug Over The Bakud. Pero namatay na lang si Dolphy wa pa man silay lihuk nga klaro. Hinuon nagpunay silag panguhag talent sa ubang istasyon.

Gihimo nilang adventure host si Aga pero dili man fit ang iyang physique sa maong mugna. Dili pud siya ang tao nga murag knowledgeable ug katuohan nga mohatag og info sa mga lugar nga iyang gisuroyan. Murag mo suffer si Aga kon itandi mo siya nila Drew Arellano ug Tonipet Gaba sa GMA News TV ug ni Kuya Kim sa ABS CBN. Si Richard Gutierrez nga dili gyud kaayo adventurer og porma mas katuohan gihapon kon itandi ni Aga.

Ilang gikuha si Oggie pero murag wala pa man mo take-off.

Si Frank Malilong, Jr. nga usa ka maayong manunulat gihimo nilang news anchor sa Aksyon Bisaya. Ngano gud intawn? Unsa diay ilang action, slow motion? Murag gamay nga linog ug gamay nga tayhop sa hangin ma tiklo naman intawn tos Frank M. Dili sa ingon nga kuwang sa kabaskog si Atty. Malilong apan murag luya kaayo siya kon itandi ni Bobby Nalzaro sa GMA7 ug ni Leo Lastimosa sa ABS-CBN. Kon magkuyog sa kumbera si Frank ug si Bobby, unya sa lamuk-lamuk masikhan sa na-uwahi ang nauna, murag mabalian gyug gusok.

Ug karon gipulihan si Malilong ning atong higala nga usa ka ambungang negosyante nga si Glenn Anthony Soco. Murag kinahanglan pang isulod sa pressure cooker ang atong amigo kay hilabihan pa intawng tuskiga. Ambot kung kang Karla Kintanar ba kining idea o kang Glenn Soco. Ug kang Soco man gani kini, murag maka-ingon kita nga may kalabutan kini sa iyang political ambitions. Buot niyang sundon ang lakang nila Loren Legarda ug Noli de Castro.

Deritso-on ko na lag ingon ang mga think tank ni Soco nga usa kini ka bad move. Maayong paminawn sa radyo si Soco pero sa TV pwerteng ugaha niya tan-awn. Dili mabira sa iyang pogi points ang iyang ka kuwang sa charisma atubangan sa camera. Imbis nga ma-intriga niya ang mga would be voters mapul-an hinuon kini kaniya. Sometimes a little personal mystery can go a long way.

Pero bisan pag kuwang og pre visualization sa TV5, duna pa gihapon silay mga hit sama sa gubot kayo nga Face The People nila ni Gelli ug Christine Bersola-Babao. Gatuo gihapon ko nga Talentadong Pinoy maoy pinaka dynamic nga talent search show sa TV. Ug murag dakog natabang kontra piracy ang gipang dub nila nga Hollywood movies nga ilang ipa-salida kada hapon. Napagawas na nila ang Meet The Fockers, The Orphan, Super Shark, Captain America, pipila ka X-men ug Harry Potter.

Maayo pag mag local version na lang sila sa HBO.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.