Nakahibawo na tingali kitang tanan nga nanga buang sa basketball nga dunay arko ang sawg sa matag half court. Ug nga kun ang player mo-shoot sa gawas ning maong arko makakuha siya og tres puntos. Dos puntos ray makuha niya kon sa sulod sa arko siya motugpo sa bola. Ug one point ra usab ang kwenta sa matag itsa niya gikan sa foul line.
Wala ang 3-point scoring pagsugod sa basketball. Una kining gisuwayan naidtong 1933 sa Tiffin, Ohio. Apan wala ma kombinse ang mga liga niani. Sunod kining gisuwayan sa usa ka NCAA o collegiate game niadtong 1945 kon diin nagbangga ang Colombia ug Fordham. Ang unang liga nga pirmanenteng ni adopt sa 3-point scoring mao ang American Basketball League niadtong 1961.
Gi-adopt kini pagka 1963 sa Eastern Professional Basketball League. Pagka 1967, gigamit na usab kini sa American Basketball Association (ABA). Nagkanayon si George Mikan nga maoy ABA commissioner niadto nga ang 3-pointers “would give the smaller player a chance to score and open up the defense to make the game more enjoyable for the fans.”
Pagka 1979 na ni adopt ang NBA sa 3-point system. Ug si Chris Ford sa Boston Celtics maoy giingong unang naka igog 3-poiner ning maong inilang liga. Ang FIBA mi adopt ning maong scoring system pagka 1984 pa. Depende sa liga, lain-lain og gilay-on ang mga arko gikan sa ring. Sa NBA, si Stephen Curry karon ang record holder sa pinakadaghang 3 point shots nga nahimo. Duna siyay 272 shots (dili points).
Bisan tuod og dagku ang mga player sa Europe daghan silag mga 7 footers nga maayo mangitsa og tres. Wa magpa biya ang China ug Korea niani nga duna say mga higante nga lagyo kaayog tinugpuay sa bola.
Apan tinuod nga gihimo kini alang sa mga mas gagmay nga player para mas naa silay chance ug mas exciting ang duwa tan-awn. Mao kini ang hinigiban nga mahimong gamiton sa Pilipinas batok sa mas mga dagkong kontra nganhi sa Asia. Ug tuod man ubay-ubay na ang mga Pinoy players nga dagku nga mangigo nag tres.
Sa pagbalik ni Lebron James sa Cleveland gidala niya ang mga na partner niya nga 3-point shooters sa Miami nga sila ni Mike Miller, James Jones ug iya usab nga gi-hangyo nga dili usa pa ritayron si Ray Allen. Si Ray Allen maoy record holder sa tres sa wala pa makuha ang record ni Stephen Curry.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
