PHOTO: Instagram/@puralukavega
Mao rag mosukol na ug nagplanong modangop na sa korte o husgado ang drag performer nga si Pura Luka Vega.
Kini human siya gipasakaan ug gipatong-patong nga mga reklamo o sunod-sunod nga pagdeklara nga “persona non grata” sa daghan nga mga lugar.
Pura Luka Vega nangayo og hinabang
Pinaagi sa iyang podcast nga dunay Instagram account nga @officiallylukluka, nanawagan siya og tabang pinansyal para sa pagatubang unya niya sa husgado.
“WE’RE GOING TO COURT And we need your help more than ever [emoji],” matud pa niya sa iyang post.
Ang matapok kuno nga kwarta kay iyang gamiton para sa pagkaon ug transportation expenses, apil na niini ang para sa iyang pamilya.
“Swipe left to see the GCash QR code — your donations will go to Luka’s family and transpo/food for their court dates this September,” matud pa niya.
Duna pa gyod siyay gipuno sa iyang post nga, “Please add in the notes FOR LUKA when sending your support [folded hands emoji].”
“Airfunding donations are currently postponed and we’re asking you to spread this word,” matud pa niya sa iyang pamalihug sa publiko sa iyang IG.
Pagsugod sa issue ni Pura Luka Vega
Mahinunduman nato nga init gyod kaayo nga giistoyahan sa online world ang video ni Pura nga makit-an siyang nikanta ug nisayaw sa remix version sa “Ama Namin” nga nagsul-og og sapot nga daw siya si Hesus.
View this post on Instagram
Gibandera pa niya kini mismo sa iyang Twitter account nga dunay caption pa nga, “Thank you for coming to church!”
Dali dayon kini nga nag-viral ug niabot sa lain-laing mga pulitiko ug mga miyembro sa mga religious groups.
Matud pa sa Catholic Bishops Conference of the Philippines (CBCP), giconsiderar kini nga “mockery” ug “blasphemous.”
‘Persona non grata’
Human niini kay nagsunod-sunod pod ang pagdeklarar niya nga ““persona non grata” o unwelcome person sa daghan nga mga lugar sa Pillipinas.
Pipila lang ni sa daghan pang mga lugar nga di na mahimong bisitahan o maadtoan niya— Manila, Cebu City, Floridablanca sa Pampanga, General Santos City, Toboso sa Negros Occidental, Bukidnon, Dinagat Islands, Nueva Ecija, Laguna, Occidental Mindoro, Coron sa Palawan, at South Cotabato.
Gawas pa niana, gipasakaan pa gyod siya og mga gipatong-patong nga mga reklamo sa religious groups nga “Hijos del Nazareno – Central” at “Philippines for Jesus Movement.”
Matud pa sa grupo nga gilapas ni Pura Luka ang Article 201 Section 2 sa Revised Penal Code nga dunay kalabutan sa “indecent shows, publications o exhibitions.” Mao pod ang Section 6 sa Cybercrime Prevention Act.
READ MORE:
Pura Luka Vega repeats performance amid lawsuit, ‘persona non grata’ tag
Pura Luka Vega is also persona non grata in Mandaue
What does persona non grata mean?
Pura Luka Vega nanawagan ng donasyon, pinaghahandaan ang pagharap sa korte
