Luis Christian Singson at Francine Garcia (From Facebook)
Gi storyahan karon sa mga netizens kun unsa gyud ang tinuod nga relasyon sa “Eat Bulaga” Super Sireyna 2013 grand winner nga si Francine Garcia ug sa anak ni former Gov. Chavit Singson nga si Luis Christian Singson.
Makita sa ilang mga hulagway nga kuha sa resort sa mga Singson sa Narvacan, Ilocos Sur nga naka-two piece si Francine ug topless si Luis Christian nga mao kuno ang gi groom ni Chavit nga mo puli kaniya.
Makita usab sa ilang mga hulagway nga sweet kaayo ug nag gunit si Luis Christian sa hawak ni Francine samtang gipahiran siya niini og sunscreen.
“Commitment is what transforms a promise into reality,” sey pa ni Francine sa iyang caption.
ALSO READ: Being a Transwoman: Transitioning is ‘bravery’
Matud pa, katumanan kuno kini sa saad sa anak ni Chavit nga iyang dad-on si Francine sa ilang resort. “I’ll bring you to Narvacan, Ilocos Sur. We have a private beach there, Santorini style. Tabing dagat, Very Beautiful.”
Ang maong mga hulagway kuha sa buwan sa Mayo 2023 apan karong bag-o lang gi post ni Francine sa iyang social media account.
View this post on Instagram
Samtang sweet kaayo ang duha sa ilang mga hulagway, wala maghisgot si Francine kun unsa ang ilang relationship status.
Matud sa taho sa Bandera nga “in a relationship” kuno ang status ni Luis Christian sa dihang ilang gi tan-aw ang iyang Facebook account niadtong Septyembre 1.
Ug karon bag-o lang, nag post usab ang anak ni Chavit og mga hulagway kung diin makita ang parehas nga shorts nga iyang gisul-ob sa nga hulagway nga kuyog niya si Francine apil na ang nindot kaayo nga kalangitan.
View this post on Instagram
Gisuwat nga caption ni Luis Christian, “Lord, I thank you for sunshine, Thank you for rain, Thank you for joy, Thank you for pain, It’s a beautiful day.”
Sa milabay nga mga buwan, gipangutana ni Joey de Leon si Francine kun motuo ba siya nga adunay straight nga lalaki nga mo higugma kaniya nga usa ka transwoman.
Tubag niya, “Okay, I’ll answer that question straight to the point. I believe that love knows no gender, thank you.”
ALSO READ: Fuschia Ravena speaks up against discrimination, harassment of transwomen
Murag hilig gyud si Christian Luis og mga beauty queens tungod kay ang inahan sa iyang anak nga si Luis Ethan nga siyam pa lang ka buwan mao si Francesca Taruc, Miss Tourism World Intercontinental 2019. Unya karon na link siya kang Francine nga usa ka Super Sireyna.
Matud sa Bandera nga mi abot na kuno sa hapit 1, 000 shares ang post ni Francine. Apan sa dihang ila kining gibalikan og tan-aw, wala na ang maong post. Daghan na hinoon ang naka share nii apil na ang Facebook account nga Publiko nga adunay 249,000 followers.
