Vic Sotto, Jimmy Santos at Joey de Leon
Gisorpresa sa beteranong kumedyante nga si Jimmy Santos ang iyang mga kanhi kauban sa “Eat Bulaga” nga “E.A.T.” na karon nga makita sa TV5.
Nakalitan ang mga audience apil na ang mga Legit Dabarkads nga naa sa studio sa “E.A.T.” apil na sila si Vic Sotto, Joey de Leon, Paolo Ballesteros, Ryzza Mae Dizon ug Allan K.
Ang pagbisita ni Jimmy sa noontime show niadtong adlaw nga Sabado, Oktubre 14, kabahin sa selebrasyon sa 77th birthday ni Joey.
Sa “Gimme 5” segment sa “E.A.T.” gipaila-ila ni Wally Bayola si Jimmy isip si Daddy Ethan, ang driver sa bag-ong Legit Dabarkads nga si Atasha Muhlach para sa ilang skit.
Makita ang pagkakurat sa tanan sa dihang mi-gawas si Jimmy nga mura og wala gyud matiguwang.
Nahimo usab nga emosyonal sila si Paolo, Allan K, Wally, ug Bossing Vic sa pagbisita ni Jimmy sa studio aron personal nga motimbaya kang Joey.
“Happy birthday. Alam mo naman na hindi kita makalimutan,” sey ni Jimmy nga nag bitbit pa og cake.
“Nakatambay lang ako e, tapos naimbitahan akong mag-drive. Okay din,” dugang ni Jimmy.
Gipangayuan ni Vic si Jimmy sa iyang birthday message para sa Henyo Master. Sey ni Jimmy, “I’d like to greet you a happy, happy, happy birthday. Whatever happens in this country, I still love you all three times a day.”
Dugang niya, “Especially those people surrounding the vicinity, I miss you all. Thank you very much. Still, ‘Eat Bulaga’ is here to stay.”
Dali siya nga gikoreksiyonan ni Bossing Vic sa iyang paghisgot sa “Eat Bulaga”, “Mali, ‘E.A.T.’! Wala kang kupas.”
Giusab ni Jimmy ang iyang gi-sulti, “E.A.T. pala is here to stay. Thank you so much!”
Katapusan nga nakita si Jimmy sa original nga “Eat Bulaga” niadtong 2021 sa Christmas episode ng “Bawal Judgmental.”
Bisan og tua na siya sa Canada, makita gihapon si Jimmy sa iyang mga fans sa mga vlog nga iyang gi-post sa iyang YouTube channel.
ALSO READ:
Jimmy Santos ‘nangalakal’ sa Canada, ibinandera ang halaga ng pagre-recycle
