Bayani Agbayani, Sharon Cuneta
Usa ang komedyante nga si Bayani Agbayani sa mga nakasaksi sa pagkamanggihatagon ni Megastar Sharon Cuneta sa iyang mga higala ug pipila ka kauban sa trabaho.
Mao kini ang gisaysay ni Bayani sa game show nga “Watchawin” sa PIE Channel kauban si Robi Domingo.
Sa snippet nga gipagawas sa ABS-CBN, nahisgutan nila si Sharon og dinhi na nangutana si Robi kun unsa ang “core memory” ni Bayani sa Mega Star.
Matud pa ni Bayani nga super close sila ni Ate Shawy og mao pa gani kini ang nahimong ninang sa iyang mga anak, apil na sa iyang kasal.
Dugang ni Bayani nga nagsugod ang ilang panaghigala sa usa ka programa sa Mega Star nga gipagawas niadtong 1986 hangtud 1997.
“Alam mo ba nagsimula ako rito sa ABS-CBN sa ‘The Sharon Cuneta Show’? At si Sharon, ninang ko sa kasal ko at ninang ng mga anak ko.”
Mi-hirit si Robi, “Ganun kayo ka-close pala?”
Gitubag siya ni Bayani, “Sobra! Alam mo ba ‘nung minsan, tinawagan ako niyan.”
“Sabi niya, ‘Kumuha ka ng mga mamahaling sapatos.’ Akala ko ako ang magbabayad. Siya lahat ang nagbayad, P200,000 plus.”
Matud pa sa balita sa Bandera nga makita sa reaksyon ni Robi ang iya usab nga pagbilib sa kabuotan ug pagkamanggihatagon ni Ate Shawy.
Dili kini ang unang higayon nga nagpakita sa iyang pagkamanggihatagon ang Mega Star.
Sa milabay nga mga buwan, gibutyag sa talent manager ug vlogger nga si Ogie Diaz nga mihatag og greeting cards si Sharon nga may kalakip nga kwarta sa pipila ka showbiz reporters.
Nakapamalikas usab kaniadto ang direktor nga si Darryl Yap human makadawat og mahalon nga bag gikan sa Megastar.
Ang iyang nadawat nga regalo usa ka itom nga Louis Vuitton Steamer Backpack Monogram Eclipse nga dili mo-minus sa $5,000 o P242,000 ang presyo.
Niadtong 2018 gihatagan usab ni Ate Shawy ang Queen of All Media nga si Kris Aquino og Gucci shirt.
Ang Asia’s Songbird nga si Regine Velasquez nakadawat usab og singsing nga nagkantidad og P900,000.00 ngadto sa P1 million.
RELATED STORIES
Bayani Agbayani ecstatic as daughter graduates summa cum laude
Gabby Concepcion hopeful Sharon Cuneta, KC Concepcion’s misunderstanding will be settled soon
Sharon may pinatanggal sa katawan kahit super payat na
