Murag gidawat na kuno ni Jinkee Pacquiao ang lain pang anak sa iyang bana nga si kanhi Senador Manny Pacquiao sa laing babaye.
Basi sa balita sa Bandera, si Jinkee pa gani kuno ang mi-sugyot sa Pambansang Kamao nga hatagan og suporta ang iyang anak nga si Emman Bacosa nga usa na usab ka boksidor karon.
Sa usa ka episode sa “Showbiz Update” sa YouTube channel sa talent manager nga si Ogie Diaz, mihatag kini og detalye kabahin sa anak ni Manny sa babaye nga iyang nakarelasyon kaniadto.
Matud pa ni Ogie nga dunay source nga mi-sulti kaniya nga walay problema kang Jinkee kun mo hatag si Manny og suporta sa iyang anak nga si Emman.
“According to my source na kaibigan ni Jinkee, ‘yung friend namin ni Jinkee, sinabi raw ni Jinkee kay Manny Pacquiao na, ‘go ahead, suportahan mo ‘yan kasi anak mo ‘yan,’” matud pa ni Ogie.
Dugang niya nga adunay mga hulagway nga nanggawas karon sa social media kun diin makita nga kuyog si Manny og si Emman nga nag train sa boxing.
“Kasi may picture si Emman at si Manny Pacquiao na magkasama. Kasi kung itinatago naman ni Manny yun, hindi siya magpapa-picture.”
“At hindi siya makikipagkita siguro. At hindi niya dadalawin yung anak niya na nag-eensayo ng boxing,” sey pa niya.
Matud ni Ogie nga importane nga ilhon nila ni Manny ug Jinkee si Emman.
Si Emman anak ni Joanna Rose Bacosa, ang babaye nga nangayo og child support kang Manny sa tuig 2006 ug 2011.
Mipakita pud siya kaniadto sa publiko aron manawagan nga unta ilhon ni Manny ang ilang anak.
Karong bag-o lang nakigsangka si Emman sa “Blow by Blow” event nga gi-sponsor sa MP Promotions nga gipanag-iya ni Manny.
RELATED STORIES
Manny Pacquiao tells ‘Marites’ supposedly behind annulment rumors: ‘Paparusahan kayo ng Panginoon’
Jinkee and Manny Pacquiao visit CLOY set location in Switzerland
Jinkee Pacquiao to Manny: ‘I’m proud to have stood with you every step of the way. Forever
