Dominic Roque ug Bea Alonzo
Mura og wala pa gyud mahuman ang drama sa giingon nga panagbuwag sa celebrity couple nga sila si Bea Alonzo ug Dominic Roque.
Sa usa ka Instagram post, nga gi-delete na sa pagkakaron, naghisgot ang road manager (RM) sa aktres, nga si Nina Ferrer, mahitungod sa usa ka “hustler.”
Matud niya nga dunay duha ka klase sa hustler. Ang usa mao ang “an aggressively enterprising person or a go-getter” samtang ang lain mao ang “prostitute.”
Bisan og gi-delete na ang maong post, daghan sa mga netizens ang dali nga makakuha og screenshot niini. Duna poy uban nga dali kaayo nga mi-konek sa maong post sa issue nga may kalabutan sa kanhi managhigugmaay.
Daghan ang nagduda nga si Dominic ang gipasabot sa cryptic post ni Nina.
Karong bag-o lang milugwa ang chika nga gipaimbestigar kuno si Dominic sa kampo ni Bea ug ang ilang nadiskumbre maoy nahimong rason kun ngano nga dili na madayon pa ang ilang kasal.
Apan bisan pa man sa mga nanggawas nga istorya, mihangyo ang kanhi aktor nga likayan na lang unta ang dili maayo nga mga kumentaryo mahitungod kang Bea.
“Bea’s a beautiful person inside n out… [white heart emoji] no hate/bashing/negative things please… [praying emoji],” sey ni Dominic.
RELATED STORIES
Bea Alonzo, Dominic Roque nagbuwag na matud ni Boy Abunda
Pagbuwag nila ni Bea ug Dominic may konek kuno sa prenup agreement?
Bea Alonzo now officially a Spain resident after obtaining Golden Visa
