Ria Atayde ug Zanjoe Marudo. | Image: Nice Print Photography via Instagram/@onlyzanjoemarudo
Sobra sa usa ka buwan human nila gipahibaw ang ilang engagement, gikasal sila si Zanjoe Marudo ug Ria Atayde sa usa ka pribado nga seremonyas nga gitambungan sa ilang mga minahal sa kinabuhi.
Ang ilang kasal gipahigayon niadtong Marso 23, atol usab sa kasaulogan sa adlaw nga natawhan ni Ria.
Gipahibaw ni Zanjoe ang ilang kasal sa iyang Instagram kun diin iya usab nga gitawag si Ria og “wife.” Apan wala na siya mohisgot kun asa gipahigayon ang ilang intimate wedding.
READ: Zanjoe ug Ria engaged na: ‘Forever sounds good… and tastes even better!’
Sa mga hulagway nga nanggawas sa social media, makita nga masanagon ug malipayon kaayo ang panagway ni Ria atol sa ilang kasal.
Nagsul-ob ang bride ug usa ka elegante kaayo nga off-shoulder gown nga adunay bell sleeves. Nag gunit pud siya og simply kaayo nga flower bouquet.
READ: LOOK: Ria Atayde hugs, kisses Zanjoe Marudo in birthday photos
Sa laing bahin, gwapo kaayo si Zanjoe nga ga sul-ob og itom nga tuxedo.
“03.23.24. Happy birthday my wife,” sey ni Zanjoe sa iyang caption.
Mipagawas usab sa ilang Instagram ang Nice Print Photography ug nga hulagway gikan sa maong kasal.
View this post on Instagram
Matud pa sa exclusive report ni Mj Felipe, ang duha gikasal sa usa ka civil ceremony nga gi-officiate ni Quezon City Mayor Joy Belmonte.
Daghan ang midangat sa ilang pahalipay para nila ni Ria ug Zanjoe. Apil na niini sila si Maine Mendoza, Marco Gumabao, SexBomb member Jopay Paguia, Kaye Abad, Jane Oineza, Kyline Alcantara, ug Jake Ejercito.
Image: Screengrab from Instagram/@onlyzanjoemarudo
Image: Screengrab from Instagram/@onlyzanjoemarudo
