Mga radio personnel nagpagamit sa mga Garcia?

By: Lloyd Suarez November 04,2015 - 01:42 AM

Wa  na  gyud  makaantos  ang 16 ka  mga  personnel  sa  DYDD  El Nuevo Bantay Radyo  kay  mihandos na sa  ilang  reklamo   kagahapon ngadto sa National  Labor Relations Commission  (NLRC) batok  kang  Provincial Board Member  Grecilda “Gigi” Sanchez.

Buot  sa  mga  trabahante  nga  kahatagan  sila sa ilang separation pay ug  suweldo  dihang  naundang  ang operation  sa  Bantay Radyo.

Laing  reklamo  nila  kay  bisan  gikaltasan  ilang  suweldo aron  ibayad  sa  SSS, PhilHealth ug  Pag-ibig apan way  remittance sumala pa.

In fairness sa  mga kawani,  ilang katungod ang  pagdangop sa NLRC human  sila  nakulban  sa  kaldero.

Apan sa  habig  ni PB Member Sanchez, iyang  ig-agaw  nga   si  Yody  Sanchez  kinsa maoy vice  president  for  operation  miklaro  nga  andam  silang  makig-negotiate sa  mga  apektadong  kawani.

Nagtuo  sila nga gisakyan  sa  kaatbang sa politika  ang  isyu aron  pagdaot sa pangan  ni  Board  Member  Sanchez  kinsa makig-atbang  ni 3rd district  Rep.  Gwendolyn Garcia.

Midugang  si  Yody nga  di sila  maoy  nagkub sa  kaldero  sa  16 ka mga  personnel  kun dili mao  ang  taga  CFI  ug  ang  pamilyang  Garcia  nga  maoy  mi-take over  sa Bantay Radyo.

Sumala pa  ni Yody nga  ilang  gipasabot  ang mga  mikiha  makatulo ka higayon  nga  igo  ra  silang  mipasuspenso   sa Bantay  Radyo  operation  nga balig  6 months  gikan  sa  September 4, 2015 to March 4, 2016 samtang  naka-pending  pa ang  kaso sa  korte.

Naglaom  ang  kampo ni  Sanchez  nga  ibalik  sa taga  SIAM Broadcasting  ang “exciter”   aron  makasibya  sila  pagbalik.

Gawas  niini miingon si   Yody  nga  ang  16  ka  mga  personnel  ilang  gitanyagan nga mobalhin   pagpang-empleyo  sa Lacto Pafi  aron  way  putol  ang suweldo  apan  wa manugot.

Manghinaot ko nga  mahilot  ra  kining  tanan kay  luoy sab  ang  mga  apektadong trabahante sa broadcast.

* * *
Kadaghanan sa  among  mga  silingan sa GMA-7 complex nga  nagpuyo sa luna  nga iya sa  Cebu provincial government  ang midangop  kanako ug  mireklamo intawon sa  ilang  kahimtang sa panubig.

Wa sila  makasabot  sa serbisyo  sa  taga Metro Cebu Water District  (MCWD)  kay  tag duha  ra gyud ka  oras  ang  agas sa tubig matag  adlaw ug  duna  gyu’y  mga  higayon nga  wa gyu’y agas nga  unta  insakto  man  sila sa  bayad.

Nag-antos  sila  sa  mahal  kaayong  tubig sa taga ubos ug sa dagko  kaayog singil  sa  mga  moalsa sa container.

Akong   gipaabot  kining  maong  yangongo  kang  Charmaine Rodriguez  Kara, MCWD public affairs  head.

Dunay  mga  personnel  sa MCWD  ang  gipaadto  sa among complex  ug nakigtagbo  sa  mga  apektadong  residente.

Nagpasalamat  sila  nga  niadtong  Kalag-kalag  gipaagasan  sila  og  kusog  apan  karong  bag-o,  wa  na sab  bisan  gamay nga  tinulo.

Maglaom  ko  nga  kining  maong  problema  masulbad  sa  bag-ong  general manager  ug sa  board  of  director sa  MCWD kay  katungod sa mga residente  nga  kahatagan  sa tinud-anay  nga serbisyo sa MCWD.

* * *
Wa gyud  masulbad  sa  atong  mga  opisyales sa gobyerno  ug sa  ubang  mga tinugyanan  sa balaod  ang  problema sa grabeng  traffic  matag panahon sa  Kalag-kalag diha sa Minglanilla,  San Fernando, Carcar ug  ubang  mga dapit.

Bisan  kami  nga  gikan  sa Casay, Dalaguete nga mipauli na dinhi sa  dakbayan  sa Sugbo  niadtong Lunes sa hapon  (Nov. 2), milanat  among  biyahe  hapit  upat  ka  oras nga  unta  sa  mga  regular  nga  adlaw, kuhaon  ra  namo og  oras kapin.

Diha mi  natapot  sa  may  San  Fernando  ug Minglanilla nga  bumper to bumber gyud ang  mga  sakyanan.

Usa  sa  nagdalag  traffic  mao  gyud  ang  mga  abusadong   driver ug tricycle driver  kay  anha  gyud  mamarking  sa  daplin sa  national  highway nga  anaa duol sa mga sementeryo. Mao  pay  gagmay  ang  kalsada,  parkingan pa.

Ambot  kung  nganong  wa gyud  mabadlong sa  mga tinugyanan.

Pagkanindot  unta  nga ang lapad  nga kalsada gikan sa Minglanilla ug Naga molahos  na  ngadto  paingon  sa amo sa Dalaguete  ug tibuok  Sugbo.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Cebu, dyDD, El Nuevo Bantay Radyo, GMA 7, Grecilda "Gigi" Sanchez, MCWD, Minglanilla, National Labor Relations Commission, San Fernando

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.