Hahaha, hala ka! Ang kanta ni Kurt “kocoy” Diores Fick gikantakanta na karon sa tanan. Gikan sa mga jeepney rappers paingon sa mga tambay ug ingon man sa mga bata nga manakayay sa bus.
Daw na legitimize ang 2nd career ni Cocoy sukad mikatab sa airwaves kining iyang kanta nga “Hahahahasula.”
Si Kokoy maoy wonder boy niadto sa Cebu Photography. Bata pa kini nag sige na kinig kadaug og mga photo contest ginamit lang ang mga point and shoot camera. Nakahinumdom pa kos iyang mga posts sa una nga nangandoy siya nga maka tag-iyag full frame DSLR. Ug sa katapusan namong kita nasayran ko nga full frame na ang iyang camera karon.
Una kong nahibaw-an nga mo kanta diay siya niadtong nakakita kog wedding video diin ni moonlight siya isip wedding singer. Mikaging kong gatan-aw niini kay karon pa ko kitag maniniyot nga mikantag kalit sa usa ka wedding.
Chubby ug linginon, maurag maguwang ni Baby Baste sa Eat Bulaga si Kokoy kay may pagka tisoy man sad ning bataa. Sa among hamubong pakig hinabi kaniya, mibutyag siya nga kining maong kanta gihimo sa composer nga si Jude Gitamondoc para sa babae nga singer. (Co-composer diay niani si Rowell Ucat.) Apan kay nag sige raman silag kuyog ni Jude gi-ingnan na lang siya sa composer nga siya na lay pakantahon. Well, they hit the jackpot kay bagay man kaayo sa tingog ni Kokoy ang kanta. Ania ang lyrics and, yes, you may start singing now.
Hahahahasula (Kurt Fick with back up vox by Paola Sandiego)
Maypa sa akong mga damgo/Aduna pa’y ikaw ug ako/Ug kung mao man gani, maypa’g matug ko’g balik/Pukawa ra ko’g buwag na mo.
Kuyog-kuyog pa ko ninyong duha/Sungog-sungogon ka/Pa as-if nga gi-kilig, apan diay nag sakit.
Di ta uyab, wala’y ikaw ug ako/Apan kung mag selos ko, ayaw pag buot/Sige na lang ta ani’g HAHAHA, katawa/HAHAHAHAsula ning kahimtanga.
Selos nga lisod gyud ka pugngan/Labaw na’g siya ang imong kauban/Ngano ma’ng mahadlok ko’ng mawa ka/Nga wa man gyud tika ma-akoa.
Maong sorry na, wa ko gyud damha/Akong dakong sala/Na-fall ko nimo doh, promise di na gyud ma-utro.
Kay di ta uyab, wala’y ikaw ug ako/Apan kung mag selos ko, ayaw pag buot/Sige na lang ta ani’g HAHAHA, katawa/HAHAHAHAsula/Unsaon ta man, wala na ko’y mahimo/Perming pahisgot na lang ba ko ani kutob/Sige na lang ta ani’g HAHAHA, katawa/HAHAHAHAsula.
Awa lang/Magkadayon ra ‘nya ta puhon/Purya buyag intawn/Ayaw na lang ug angal kay FLAMES ang nag-ingon/Mao nang sa pagka-karon…
HAHAHA, katawa/HAHAHAHAsula.
Kay Di ta uyab, wala’y ikaw ug ako/Apan kung mag selos ko, ayaw pag buot/Sige na lang ta ani’g HAHAHA, katawa/HAHAHAHAsula/Unsaon ta man, wala na ko’y mahimo/Perming pahisgot na lang ba ko ani kutob/Sige na lang ta ani’g HAHAHA, katawa/HAHAHAHAsula..
HAHAHA, katawa/HAHAHA… HAHAHAHAsula.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
