Tomas semana

Gerard Pareja

Gitawag ang miaging semana ug Semana Santa.

Pero dili ang pasyon maoy giistoryahan sa kadaghanan kon dili ang mga taho kabahin sa atong mayor.

Kabahin sa iyang gipanghimo, sa wa niya mahimo ug sa mga pasangil sa mga giingong iyang gipanghimo.

The Good. Sa tinuoray lang wa gyud ko masuhito sa padagan sa panerbisyo sa mga nagkalainlaing dakbayan sa atong nasud.

Apan dakug purohan nga ang atong dakbayan maoy unang gapadagan og public library nga abri 24 oras.

Dili lang ang mga magtutungha ang makapahimos niani kon dili tanan nga buot mobasa ug buot motuon apan walay maayong suga o lugar sa ilang panimalay para buhaton kini.

Ug manghinaot kita nga ang taga private sector mobolig niani pinaagi sap ag donar og mga computer, photocopier, scanner ug uban pa.

Ug nga unta ang mga tulonghaan sa computer motabang paghan-ay og sistima para sa pag tapok ug pagpagawas sa mga data, labi na kadtong may kalabutan sa mga katilingban sa atong dakbayan.

Ug kon wa ako masayop kita ra usay dunay sports complex nga abri 24 oras.

Matud pa health is wealth, og kadtong buot mo exercise apan apiki sa oras aduna nay higayon karon nga mogamit sa atong sports complex.

Gikan sa mga atlita paingon sa mga senior citizens makasulod guwa naa sa maong facility sa oras nga pabor kanila.

Karon ra kini mahitabo.

Ug ang nakapahitabo niani mao ra ang pakig hinabi ni Tomas sa facebook sa laing fb user.

Dili ba kaha kini urban legend apan bahala na basta kay angay kitang malipay nga nahitabo kini.

The Bad.

Giakusar ni Justice Secretary Vitaliano Aguirre nga midawat og campaign funds sa mga drug lord sama ni anhing Jaguar ug nga sa ingon usa siya ka drug lord protector.

Of course gipanghimakak kini ni Tomas kay matud pa niya gihimo lang kini ni Aguirre para pagtabon sa iyang pagapilapil sa kinihaay nga nahitabo tali sa dakbayan ug sa mga tag-iya sa SM.

Kini si Aguirre usa kinis mga kingkoy ni Digong nga angay sab paw-on.

Pero sa laing bahin nanginahanglan sab tag mopitol ni Tomas nga ga sige na lag pangaway.

The Lousy.

Parihas nig problema si Tomas og Donald Trump.

Puros sila nangitag extreme loyalty.

Ug tungod niani gikuhaan niyag gahum ang Barangay Captain nga dapig sa iyang oposisyon.

Ug usa kinis hinungdan sa hinay nga koliksyon sa basura. G

ahimo ning pamunuan ni Tomas og “garbage truck on call” program.

Diin ikaw mismo ang motawag sa dakbayan para may kuha sa inyong basura.

Buot si Tomas nga duna kay utang kabobut-on kaniya matag pakuha nimo sa imong basura.

Ug usahay dili mohapit kining garbage truck sa mga ka silinganan kay kadto rang mitawag maoy ilang serbisyuhan, kay kadto ra kunong maong request maoy naka “log.”

Ang basura ug traffic lang gihapon ang nag unang hasul ning atong dakbayan nga ubos sa mayor nga visionary apan madinumtanon.