Taxi driver nidunggab sa tangkugo sa ex-convict na silingan, nabalhog sa prisohan

By: Benjie B. Talisic February 24,2019 - 05:29 PM

SIYUDAD SA SUGBO, Pilipinas — Ang usa ka 68 na anyos na taxi driver nabalhog sa prisohan human kini iyang gidunggab ang usa ka 47 anyos na ex-convict na iyang silingan sa Sitio All Season 3 sa Barangay Cogon Pardo sakop sa Siyudad sa Sugbu sa sayo sa buntag sa Pebrero 24.

Nitahan sa tinugyanan sa balaod na ni responde sa alarma sa pagdunggab si Carlos Villajuan human kini nidunggab sa tangkugo ni Pepito Aregidon na silingan sa nauna.

Gidali si Aregidon pagdala sa ilang mga silingan sa tambalanan human kini gihulbot ang nagtaup na kutsilyo sa tangkugo niini ug karon naana sa luwas na kahimtang ang biktima na nagpaalim sa iyang samad dinunggaban sa usa ka balay tambalanan sa siyudad sa Sugbu, matud pa ni Chief Inspector Regino Maramag, hepe sa presinto sa kapolisan sa Pardo.

Si Maramag nisugilon sa Cebu Daily News Digital nga si Villajuan nasuko na gipapauli siya ni Aregidon para matulog kay lawon na ang kagabhion.

Pero nibutyag si Maramag na duna nay kalunggot si Villajuan ni Aregidon tungod sa pagpanguyab ani sa kanhi kapuyo ni Villajuan na nikuyog ni Aregidon pila na katuig ang nilabay.

Niingon si Maramag na kanhi suod na higala ang duha, apan nibugnaw ang ilang pagpanaghigalaay human sa nahitabo sa pagkuyog sa kapuyo ni Villajuan ni Aregidon.

Sa pahiunang imbestigasyon sa kapolisan, si Villajuan naglingkod sa gawas sa balay niya sa mga alas tres sa kaadlawon ug giduol kani ni Aregidon ug giingnan na pakatulogon na kay lawon na ang kagabhion.

Apan gilain kani og sabot ni Villajuan na nibarog sa gilingkuran, nisulod sa iyang balay ug nibalig og gawas na nagdala na og kutsilyo ug niduol ni Aregidon na naglingkod ug dayon hansak sa kutsilyo na iyang gidala ngadto sa tangkugo sa naulahi.

Si Villajuan ni natahan sa kaugalingon human kini naabtan sa kapolisan sa ilang dapit og nabalhog sa prisohan sa presinto sa kapolisan sa Pardo.

Gipangutana sa CDN Digital si Villajuan sa prisohan kung ngano na iyang gidunggab si Aregidon, nitubag kini na wala siya nakauyon sa pagpapauli ni Aregidon niya sa iyang balay para pakatulgon na.

Si Villajuan karon natanggong sa prisohan sa presinto sa kapolisan sa Pardo ug naghuwat sa pagsaka og kaso niya sa pagpanunggab sa iyang silingan./dbs

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Aregidon, driver, kapolisan, Maramag, pagdunggab, pardo, presinto, taxi, Villajuan

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.