Miangkon nga igagaw sa usa ka kanhi opisyal gi ronda sa PDEA-7

Lima ka tao ang nadakpan sa isa ka buy-bust operation sulod sa isa ka drug den sa sitio Cogon Barangay Labangon. CDN Digital photo | Benjie Talisic

SIYUDAD SA SUGBO, Pilipinas —  Lima ka tao ang nadakpan sa isa ka buy-bust operation sulod sa isa ka drug den sa sitio Cogon Barangay Labangon pasado alas 9 sa gabii sa Dominggo, Pebrero 24, 2019. 

Mga ahente sa Philippine Drug Enforcement Agency- Region 7, ubos sa giya sa ilang Regional Director Wardley Getalla, ang nag implimentar sa buy-bust na operasyon sa maong dapit.

Nakuha sa maong pag pang ronda ang gi suspetsahan na illegal na drugs na mokabat ug P74,800.

Pangangkon sa duha ka dinakpan na first cousin matud pa sila sa usa ka kanhi inilang opisyal sa usa ka mga departamento sa kagamhananan.

Ang duha sila si Alfonso Cuizon Icoy, 30, ug igsoon niini nga si Jordan Cuizon Icoy. 

Ang lain tulo na na abtan sulod sa drug den sila Mark Contado, Danilo Alcontin ug Adrian Monterde, pulos mga hingkud ang panuigon.

Si Alfonso, kinsa maoy target sa maong pag pang ronda nga gi implimentar sa ahensiya. Nadakpan kini human sa dul-an usa ka bulan nga pag monitor sa maong panimalay.

Ang tulo na abtan sa mga ahente sa PDEA-7 nga mipalit ug drugas kang Alfonso. 

Na diskobrehan usab nag ronda ang usa ka underground nga gi himong suyupanan nga gi pahimo mismo mi Alfonso.

Ang target sa maong pag pang ronda mag atubang ug kaso nga pag pamaligya, pag hupot lakip na ang pag mintina sa drug den.

Samtang iyang igsoon ang mapasakaan ug kaso nga pag bisita sa maong suyupanan ug pag wala pagpakabana nga gi ingong iyang gipatuyangan lang ang maong kalihukan.

Ang lain tulo ka dinakpan lain usab nga kaso nga atubangon nga ipa saka ngadto na sa korte ugmang adlawa.

Si Alfonso sa dihang gipangutana matud pa nga wala na kini trabaho hinungdan nga napugos nalang kini sa illegal nga kalihukan./bmjo