CEBU CITY, Philippines — Usa ka kanhi fire volunteer sa Barangay Tejero sa siyudad sa Sugbu gipusil patay sa wala nailhang mamumuno pasado alas nuebe kagabii, Biernes, March 1, diha sa usa ka eskinita sa maong barangay.
Ang biktima, naila na si Egmidio Ponce, 51, galakaw sa eskinita NBA aron mo pauli na unta sa ilang balay didto sa Sitio Looban, Barangay Tejero sa dihang kalit lang gi pusil sa wala mailhing suspetsado nga iyang naka sugat, matud pa ni Tejero Barangay Captain Joemar Pomarejos.
Ang kapitan sa barangay nagkanayon nga ang pagpatay kang Ponce posible nga may kalambigitan sa drugas kay ang pangalan sa biktima miabot na usab sa iyang opisina nga nalambigit sa pagpamaligya sa ginadiling druga.
Si Pomarejos nagkanayon nga naay naka sumbong sa barangay nga ang suspetsado sa pag patay kang Ponce gihulagway nga usa usab ka drug personality diha sa barangay. /elb
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
