Manupihay sa Calamba na buy-bust, P105K shabu nasakmit sa kapolisan

SI Ryan Atillano nasikop human kini nakuhaan sa kapolisan og mobalor na sien mil ka pesos na shabu sa usa ka buy-bust sa Barangay Calamba ganiha.| Benjie Talisic

DAKBAYAN SA SUGBU, Pilipinas —Unsaon nalang kaha ni? Mao ni ang nisulod sa hunahuna nga pangutana sa usa ka dinakpan human gibuy-bust sa kapulisan ganinang pasado alas 12 sa kadlawon (Marso 11).

Ang manupihay na si Ryan Atillano, 42 ang pangidaron ug usa ka lumolopyo sa dalan A. Lopez, Barangay Calamba, sakop sa dakbayan sa Sugbu, nabalhog sa prisohan human nasakmitan og tulo ka dagkong putos ug lain pang walo ka mga pakete na may sulod na gituohang shabu, matud pa ni Chief Inspector Keith Allen Andaya, hepe sa Presinto sa Kapulisan sa Labangon.

Si Andaya na nahinabi sa Cebu Daily News Digital niingon na ang mga nasakmit na gituohang drugas gibanabana na mobalor og P105,400 na gibase sa Dangerous Drugs Board na mga presyo sa drugas. 

Nisugilon si Andaya sa CDN Digital na giplanohan na nila ang pagbuhat og operasyon batok kang Atillano human kini gisumbong sa programa sa kapolisan sa siyudad,“Itug-an ni CD,” sa iyang mga silingan.

Matud pa nila na si Atillano usa ka magamitan ug mamaligyaay og shabu sa maong lugar.

Mga pasangil na giangkon na tinuod ni Atillano human kini gipangutana sa CDN Digital kung tinuod ba ning mga gipangpasangil kaniya.

Matud pa ni Atillano na ang pagkabalhog niya karon sa prisohan usa lang sa mga problema na iyang giatubang kay mao rag di pod madayon ang planong pagpakasal niya sa iyang kapuyo kay anang mga higayona usa pa gihapon siya kapiniriso.

Si Atillano kasamtangang natanggong sa prisohan sa Presinto sa Kapolisan sa Labangon./dbs