Dakpan ang usa ka peke nga bombero sa sunog sa Barangay Labangon

Gi posasan ug gi guyod paingon sa Presinto 10 si Randy Mañigo dihang nasakpan nangawat og uniform sa bombero. CDN Digital photo | Benjie Talisic

Cebu City, Philippines — Gi posasan ug gi guyod paingon sa Presinto 10 ang usa ka peke nga bombero human ma sakpi sa dihang nagka bisi ang mga tinood nga fire fighters sa pag ulbo sa sunog sa Huwebes (Marso 14, 2019)  sa kadlawon didto sa Barangay Labangon, Cebu City.

Na alegre maka diyot ang dan N.Bacalso ganinang buntag samtang mi eksena kining usa ka tao nga nag suot ug t-shirt ug fire coat sa usa ka bombero.

Si Nagiel Bañacia, ang pangu sa City Disaster Risk Reduction Management Office, sa pagkuha ug habig sa CDN digital mi ingon nga ang maong lalaki nga nailhan sa pangan nga si Randy Mañigo, 26 ang edad ug molopyo sa dan Salvador Extension, Barangay Labangon.

Matud pa ni Bañacia nga si Mañigo na sigpatan na daan ni adto pang sunog sa Barangay Tejero apan wala lang kini panumbalinga sa pag too nga lehitimo nga sakop sa Bureau of Fire Protection (BFP).

Apan kaganinang kadlawon, atol sa pag responde sa sunog didto Labangon, nasigpatan ug balik nila si Mañigo ug didto na gipanid-an human nga nahibal-an nga dili diay lehitimo si Mañigo nga sakop sa BFP.

Si Mañigo ang daling gi dakop mga sakop sa ka bomberohan human nga buot mo sulod sa fire scene paingon sa mga balay balay nga na sunogan. 

Gipahuboan dayon ni Fire Chief Inspector Noel Nelson Ababon, nga didto sa area nga naka saksi sa pagka dakop, ang t-shirt nga BFP ug firecoat na gisuot ni Mañigo ug gi turn over ang suspect sa kapulisan aron ipa priso.

Matud pang Ababon, nga ilang pasakaan ug kaso ang dinakpan karong adlawa sa pagpangawat  human nga na aktohan nga nag suot kini sa gamit sa usa ka fireman.

Dugang ni Ababon nga si Mañigo  kasamtangang gi balhog una sa Presinto 10. /bmjo