Bea Gomez sa suot na 2021 Miss Univese PH crown: Ayoko talagang matulog, baka dream lang ang lahat!

SASABAK agad sa matinding training si 2021 Miss Universe Philippines Bea Gomez para sa kanyang pagrampa sa 70th Miss Universe sa December na gaganapin sa Eilat, Israel.

Aminado ang proud LGBTQIA+ member na hindi niya ine-expect na siya ang makakakuha ng korona at titulo dahil alam niyang malalakas din ang kanyang mga nakasama at nakalaban sa Top 5.

“Kanina ko pa lang na-process lahat when I woke up. I didn’t want to sleep, baka dream lang pala lahat. And then when I woke up, the crown was still there, everything was still there!” pahayag ni Bea sa panayam ng ABS-CBN.

Aniya pa, “Kinikilig ako kanina, when I said, ‘Beatrice Luigi Gomez, Miss Universe Philippines 2021.’ Nakakakilig pa rin!”

Pagpapatuloy pa niya, “Honestly, I was just very satisfied when I joined the top 5. And then it was just me and Katrina. I was like, ‘Oh my God, whatever happens, I’m already a winner.’

“Hinihintay ko na lang siya. Sabihin niyo na, para ma-relieve na ako! And then when they said it, ‘Totoo ba? Is this real?’” sabi pa ng Cebuana beauty queen.

Si Miss Taguig Katrina Dimaranan ang nagwaging Miss Universe Philippines Tourism habang si Miss Cavite naman na si Victoria Vincent ang itinanghal na Miss Universe Philippines Charity.

Wagi namang 1st runner-up si Maureen Wroblewitz ng Pangasinan at 2nd runner-up naman si Steffi Aberasturi ng Cebu Province.

Samantala, nagpaliwanag naman si Bea kung bakit parang hindi na raw siya na-shock o nagulat nang i-announce na ang pangalan niya bilang bagong Miss Universe.

“I looked calm, but I was just shocked and I didn’t know how to react. It’s not the usual reaction you get in the crowning moment, pero talagang I was happy inside. At the same time, I didn’t expect it,” paliwanag ng fitness enthusiast, Philippine Navy Reservist at community development worker.

Dugtong pa niya, “It was very unexpected. Ang daming nangyari last night na shock, shock, shock. Iyon lang ang na-feel ko.”

“What made me win is my genuinity (sic) in the way I answered all of the questions, and my performances. I made it as natural and as genuine as it can be. I think that’s what was highlighted last night, just being myself, enjoying the stage. I think that’s what made me stand out,” pahayag pa ng bagong reyna ng buong universe.

Tungkol naman sa ginagawa niyang paghahanda sa Miss Universe 2021, “I’m focusing more on trainings, especially sa communication skills ko and sa pasarela, and the entire performance as well. I’m very excited, and I’m looking forward to all the trainings.”