NAIA security officer miingon nga tsokolate ang iyang gitulon dili $300, OTS investigation team wala motuo

MIAA CCTV Screengrab gikan kang Raoul Esperas

Gihimakak sa babaye nga NAIA security officer ang akusasyon nga kwarta ang iyang gitulon ug matud niya tsokolate ang iyang gikaon sa nag-viral na nga CCTV footage.

Mao kini ang gi-sulti ni Office for Transportation Security (OTS) Administrator Mao Aplasca mahitungod sa usa sa iyang mga staff nga nag-atubang karon og daku nga kontrobersiya.

Karong bag-o lang, mikatap ang CCTV footage nga nagpakita sa usa ka babaye nga screening officer nga dunay gihungit sa iyang baba.  Matud pa, kini kuno ang salapi nga iyang gikawat gikan sa usa ka pasahero sa Ninoy Aquino International Airport Terminal 1 niadtong Septyembre 8, 2023.

Ang nabiktima sa kawat mao ang usa ka Chinese national nga miagi sa mandatory screening sa NAIA.

Matud sa balita sa Bandera, gibutang kuno sa maong pasahero ang iyang shoulder bag aron ma-check sa screening officer, apan sa pagkuha niya, nabantayan niya nga abli na ang iyang pitaka og wala na ang iyang $300 o moabot sa P17,000.

Mikatap sa social media ang maong CCTV footage nga nagpakita sa usa ka screening officer nga dunay gihungit sa iyang baba. Makita usab sa maong footage nga mura og galisud sa pagtulon ang maong babaye sa kung unsa man gani to ang gisulod niya sa iyang baba.

Tungod sa maong video nga nakadani sa atensyon sa mga netizens, gi-imbistigar na karon ang maong screening officer.

“Nag-submit siya [screening officer] ng supplemental affidavit sa ating investigation team na parang may kinain lang siyang tsokolate,” matud pa sa balita ni Joseph Morong sa GMA Integrated News.

Mi-angkon ang OTS investigation team nga nagduda sila sa storya nga gipagawas sa maong screening officer.

“Hindi naman normal na ganon kumain ng tsokolate ano, na hirap na hirap, at itinutulak pa niya, tsaka di naman kailangan ng tubig,” matud pa ni Aplasca.

Sa laing kalambo-an, gipasakaan na og kaso nga grave misconduct ang babaye nga screening officer apil na ang supervisor niini og ang lain niya nga kauban nga mao ang mitahag kaniya sa tubig.

Gipaubos na usab sa preventive suspension og tulo.

Matud sa OTS nga apil sa ilang imbestigar ang 14 ka kauban sa screening officer.

Ila usab nga gi-konsiderar karon ang pag file og kasong theft sa kun kinsa man ang mapamatud-an nga apil sa pagpangawat.

RELATED STORIES

Hard to swallow: NAIA ‘mafia’ seen in latest scandal

Weak explosion reported at NAIA T3 parking area; MIAA, PNP launches probes