Donnalyn Bartolome ug JM de Guzman. | File photo
Nalingaw kaayo ang mga fans ni JM de Guzman sa iyang “hugot” mahitungod sa iyang dugay na nga pagpangulitaw sa aktres ug content creator nga si Donnalyn Bartolome.
Kini human miangkon si JM nga hangtud karon wala pa gyud gihapon siya sugta ni Donnalyn. Mao na nga nagpadungog-dungog na lang kini sa dalaga sa national TV.
Sa iyang pag bisita sa “Magandang Buhay,” na storyahan nila ang iyang lovelife ug gipangutana usab siya mahitungod kang Donnalyn.
Mitubag si JM, “nanliligaw po.”
Gipangutana si JM, kinsa nag promote sa iyang teleserye nga “Linlang” kauban si Kim Chiu, kun kumusta na ang iyang relasyon kang Donnalyn.
Mitubag siya, “Okay naman po.”
Gipangutana na usab siya kun mi-yes na ba kaniya si Donnalyn, “Hindi pa eh. Tagal ko nang nanliligaw. Baka naman?”
Sa laing interview, mi ingon si JM nga “willing to wait” siya sa iyang pagpangulitaw kang Donnalyn tungod kay nagmalaumon siya nga moabot ra ang adlaw nga makuha ra niya ang tam-is kaayo nga “oo” sa dalaga.
Dugang niya nga bisan pa man sa pila na ka buwan nga iyang pagpaabot, wala gyud siya makabati og kakapoy.
“Okay naman. Nanliligaw pa rin. Siyempre, kapag may gusto kailangang ipaglaban,” sey pa ni JM.
Midugang siya nga, “Napapawi ang inip ko kapag nakikita ko siya.”
Gi hisgutan usab ni JM kung unsa ang iyang nagustohan kang Donnalyn, “She’s a very caring person, very sincere. Di ko alam, e, nai-inspire ako sa kanya.”
RELATED STORIES
