Ricci Rivero ug Rendon Labador
Mura og ang basketball player nga si Ricci Rivero na pud ang nahimong sentro karon sa mga birada sa social media personality nga si Rendon Labador.
Kini human mipalag si Rendon sa Facebook post sa usa ka netizen nga nagkanayon nga mura og igsoon sila ni Ricci tungod kay pareho sila nga “Marites.”
“MAGKAPATID PO TALAGA SI Ricci Rivero AT si Rendon Labador! PAREHONG CHISMOSA HAHAHAHA!” matud pa sa post sa netizen.
Girepost kini ni Rendon sa iyang FB page apil ang katin-awan nga wala siyay kalabutan sa ex-boyfriend ni Andrea Brillantes.
Matud ni Rendon nga wala siya makauyon sa maong post tungod kay daku kaayo ang kalainan nila ni Ricci nga gitawag karon sa iyang mga bashers og “cheater” ug “mangingilad.”
Sey pa ni Rendon, “Hindi okay yang ganyang biro, naglalaba ako ng mga damit ko!!! #LabLabLabador.
“Hindi ako nakikipagbiruan sa mga labada!” matud pa niya nga may kalabutan sa rebelasyon ni Andrea nga wala kuno magpalaundry sulod sa usa a tuig si Ricci kaniadtong uyab pa sila.
Kun mahinumduman, milaban si Rendon kang Ricci sa pagboto sa issue sa ilang panagbuwag ni Andrea. Apan giluod kuno siya sa basketbolista human siya makahibaw nga dili diay kini magpalabada sa iyang mga bulingon.
“Kinampihan pa naman kita bro sa #CareerMunaBagoLandi. Akala ko matindi ka talaga. ‘Yun pala puro ka porma. Dugyot ka na, palamunin ka pa!” matud pa ni Rendon.
Dugang pa niya nga makauuwaw kanilang mga lalaki ang mga sama ni Ricci.
Apan wala pa gyud siya mahuman. Mihirit pa siya kang Andrea, kun ngano nga sa kadaghan sa iyang nahatag nga regalo kang Ricci, wala man gyud siya makahuna-huna og hatag sa iyang kanhi uyab og washing machine.
“Sa dami ng binigay ni Andrea kay Ricci, nakalimutan niya pang magbigay ng washing machine?” sey ni Rendon.
RELATED STORIES
Rendon Labador adunay plano nga mosulod sa politika?
Rendon Labador naka-lock na ang X account, Instagram page pwedeng mo sunod
Rendon Labador nakabalik na sa Facebook: ‘Namiss nyo ba ako?’
Rendon Labador: ‘This is the end of Vice Ganda’s era!’
