Kuyaw nga mawala na gyud sa social media sites ang self-proclaimed motivational speaker nga si Rendon Labador human ma-lock ang iyang X account.
Niadtong adlaw nga Biyernes, Septyembre 8, iyang gipakita sa iyang Instagram stories ang screenshot sa mensahe nga gikan sa X nga nagkanayon, “Hi Rendon Labador, Your account, @RendonLabador has been locked for violating the Twitter Rules.”
Matud sa X nga wala mo sunod si Rendon sa ilang pamalaod mahitungod sa “graphic violence or adult content in profile images.”
Apan murag dili pa kini ang katapusan sa mga problema ni Rendon kay hasta ang iyang Instagram account mura og hapit na pud mawala.
Mihatag na usab kini og warning sa mga violations nga nabuhat ni Rendon sa mga community guidelines sa maong social media platform.
Hate speech
Hate speech kuno ang usa sa mga nalapas nga guidelines ni Rendon base sa iyang gipakita nga screenshot.
Tungod niini, mihatag si Rendon og mensahe sa iyang mga supporters sa wala pa hingpit nga ma ban ang iyang nahibilin nga mga social media accounts.
“Nagpapasalamat ako sa mga taong naniniwala at nagpapadala ng mensahe ngayon… Pasensya na at paralisado kaming lahat dahil dito sa pangyayari,” sey ni Rendon.
Misaad usab siya, “Pilipinas, I will be back!”
Niadtong buwan sa Agosto una nga gipahibaw ni Rendon sa iyang mga followers ang pag ban sa iyang TikTok account.
Misuway siya sa pipila ka higayon nga mo apelar apan gipatigbabaw sa TikTok ang pag ban sa iyang account.
Facebook ban
Sunod nga gi ban ang iyang Facebook account apil na ang iyang Google account ug Messenger.
Matud pa ni Rendon nga nahibaw-an sa usa sa iyang mga staff nga ang mga fans kuno sa mag best friends nga sila si Vice Ganda ug Coco Martin ang nag mass report sa iyang mga social media accounts.
“Accdg to my staff confirmed na fans ni Coco Martin Batang Quiapo at fans ni Vice It’s Showtime ang nag mass report kaya tuluyang nabura ang facebook accounts ko,” sey pa ni Rendon.
Kun mahinumduman, sila si Vice ug Coco ang pirmi nga giigo kaniadto sa self-proclaimed motivational speaker sa iyang mga online posts ug videos.
RELATED STORIES
Rendon Labador may patutsada kay Herlene Budol: Utak muna bago retoke
